പെരിന്തല്മണ്ണ: വാഹനങ്ങളുടെ പുകപരിശോധന കേന്ദ്രങ്ങളുടെ ഓണ്ലൈന് ലിങ്കിങ് സംവിധാനം ഫലംകണ്ടുതുടങ്ങി. രണ്ടാഴ്ചക്കുള്ളില് 930 വാഹനങ്ങള് പരിശോധിച്ചതില് 900 വാഹനങ്ങളാണ് പാസായിട്ടുള്ളതെന്ന് വെബ്സൈറ്റില്നിന്ന് ലഭിച്ച കണക്കുകള് സൂചിപ്പിക്കുന്നു. അന്തരീക്ഷ മലിനീകരണത്തോത് കൂടുതലായിട്ടുള്ള ഡീസല് വാഹനങ്ങളാണ് പരിശോധനയില് തള്ളപ്പെട്ടവയില് ഏറെയും.
പുകപരിശോധന കേന്ദ്രങ്ങള് മോട്ടോര് വാഹന വകുപ്പ് വാഹന് സൈറ്റുമായി ബന്ധപ്പെടുത്തിയതോടുകൂടി പരിശോധനസമയത്ത് സര്ട്ടിഫിക്കറ്റിെന്റ ഡിജിറ്റല് പകര്പ്പ് വാഹന ഉപഭോക്താക്കള്ക്ക് വാഹനപരിശോധകര്ക്ക് നല്കാനാകും.
സംസ്ഥാനത്തെ മുഴുവന് പുകപരിശോധന കേന്ദ്രങ്ങളെയും ഇത്തരത്തില് മോട്ടോര്വാഹന വകുപ്പ് വെബ്സൈറ്റുമായി ബന്ധിപ്പിക്കുന്നുണ്ട്. പെരിന്തല്മണ്ണ ആര്.ടി ഓഫിസിനു കീഴില് 12 പുകപരിശോധന കേന്ദ്രങ്ങള് ആണുള്ളത്. അതില് നാലെണ്ണം പൂര്ണമായും നാലെണ്ണം ഭാഗികമായും മോട്ടോര് വാഹന വകുപ്പിെന്റ വെബ് സൈറ്റുമായി ബന്ധിപ്പിച്ചിട്ടുണ്ട്. മോട്ടോര് വെഹിക്കിള്സ് ഇന്സ്പെക്ടര് ബിനോയ് വര്ഗീസാണ് നോഡല് ഓഫിസര്. ഡിസംബര് 15 ഓടുകൂടി മോട്ടോര് വാഹന വകുപ്പുമായി ബന്ധിപ്പിക്കാത്ത പുകപരിശോധന കേന്ദ്രങ്ങള്ക്ക് അടച്ചുപൂട്ടാന് നോട്ടീസ് നല്കുമെന്ന് പെരിന്തല്മണ്ണ ജോ. ആര്.ടി.ഒ സി.യു. മുജീബ് അറിയിച്ചു.
0 Comments