Flash News

6/recent/ticker-posts

സ്വകാര്യതാനയത്തിൽ മാറ്റം വരുത്തിയിട്ടില്ലെന്ന് വാട്സപ്പ്

Views
സ്വകാര്യതാനയത്തിൽ മാറ്റം വരുത്തിയിട്ടില്ലെന്ന് വാട്സപ്പ്
2016 ലെ സ്വകാര്യതാനയത്തിൽ ഒരു മാറ്റവും വരുത്തിയിട്ടില്ലെന്നും, വരുത്താൻ ശ്രമിച്ചിട്ടില്ലെന്നും വാട്സപ്പ്. പാർലമെന്ററി സമതിയ്ക്ക് മുന്നിൽ ഹാജരായാണ് വാട്സപ്പ് നിലപാട് വ്യക്തമാക്കിയത്. ഇപ്പോൾ തങ്ങൾ ശ്രമിച്ചത് സ്വകാര്യത വ്യവസ്ഥകൾ കൂടുതൽ സുതാര്യമാക്കാനാണെന്നും അതിൽ തെറ്റിദ്ധാരണാജനകമായ പ്രചരണമാണ് ഉണ്ടായതെന്നും വാട്സപ്പ് അറിയിച്ചു. വാട്സപ്പ് പ്രതിനിധിയുടെ നിലപാടിൽ പാർലമെന്ററി സമിതി ചർച്ചയ്ക്ക് ശേഷം തുടർനടപടികൾ തിരുമാനിയ്ക്കും.

സ്വകാര്യത നയത്തിൽ മാറ്റം വരുത്താനുള്ള നീക്കം നടത്തിയ വാട്സപ്പ് പാർലമെന്ററി സമിതിയ്ക്ക് മുന്നിൽ കടക വിരുദ്ധമായ നിലപാടാണ് സ്വീകരിച്ചത്. 2016 ലെ സ്വകാര്യതാ നയത്തിൽ മാറ്റം വരുത്താൻ ആലോചനയില്ലെന്ന് വിശദികരിച്ച അവർ കൂടുതൽ സുതാര്യത ഇക്കാര്യത്തിൽ കൊണ്ട് വരാനുള്ള തങ്ങളുടെ നിക്കം തെറ്റായി വ്യാഖ്യാനിയ്ക്കപ്പെട്ടതാണെന്ന് അവകാശപ്പെട്ടു. വിവരസാങ്കേതിക പാർലമെന്ററി സമിതിയ്ക്ക് മുന്നിൽ ഹാജരായാണ് വാട്സപ്പ് പ്രതിനിധി നിലപാടുകൾ വിശദികരിച്ചത്.

എൻഡ് ടു എൻഡ് എൻക്രിപ്റ്റഡ് ആയിത്തന്നെ ഉപഭോക്താക്കളുടെ സന്ദേശം രാജ്യത്ത് തുടരും. ഇന്ത്യയിലെ ഉപഭോക്താക്കളെ ചൂഷണം ചെയ്യാൻ വാട്സപ്പ് ലക്ഷ്യമിട്ടിട്ടില്ല. സ്ഥാപനത്തിന്റെ സേവന വ്യവസ്ഥകൾ മുൻപ് എന്ന പോലെ തന്നെ ആണ് ഇപ്പോഴും ഉള്ളത്. ഉപഭോക്താക്കളുടെ താത്പര്യങ്ങൾക്ക് കൂടുതൽ മികവ് നൽകാനാണ് വാട്സപ്പ് അവലോകനങ്ങൾ നടത്താറുള്ളത്. ഇത് ഉപഭോക്താക്കളുടെ താത്പര്യങ്ങൾക്ക് വിരുദ്ധമോ അവകാശങ്ങളുടെ ലംഘനമോ ഇല്ല എന്നും വാട്സപ്പ് പ്രതിനിധി അവകാശപ്പെട്ടു.

Post a Comment

0 Comments