തിരുവനന്തപുരം: രണ്ടാം പിണറായി സര്‍ക്കാരിന്‍റെ ആദ്യ ബഡ്‌ജറ്റ് ധനമന്ത്രി കെ എന്‍ ബാലഗോപാല്‍ നിയമസഭയില്‍ അവതരിപ്പിച്ച്‌ തുടങ്ങി. ആരോഗ്യവും ഭക്ഷണവും ഉറപ്പാക്കുകയാണ് സര്‍ക്കാര്‍ നയമെന്ന് ധനമന്ത്രി ബഡ്‌ജറ്റ് അവതരണത്തിന്‍റെ തുടക്കത്തില്‍ പറഞ്ഞു . തോമസ് ഐസക്കിന്‍റെ ബഡ്‌ജറ്റ് സമഗ്രമായിരുന്നുവെന്നും അഭിമാനകരമായ വളര്‍ച്ചയാണ് കേരളത്തില്‍ നടക്കുന്നതെന്നും ബാലഗോപാല്‍ വ്യക്തമാക്കി.
ദുരന്തങ്ങളെ കേരളം ഒറ്റക്കെട്ടായാണ് നേരിട്ടത്. ഭരണത്തുചര്‍ച്ച കേവലമൊരു വിജയമല്ല. തുടര്‍ഭരണം ജനാധിപത്യത്തിന്‍റെ വിജയം. ആരോഗ്യരക്ഷയ്‌ക്കാണ് സര്‍ക്കാര്‍ മുന്തിയ പരിഗണന നല്‍കുന്നത്. ആരോഗ്യ അടിയന്തരാവസ്ഥ വികസനത്തിന് വെല്ലുവിളിയാണ്.'കേരളത്തിന്‍റെ ഭാവി വികസനത്തിന് സഹായകമാവുന്ന ബഡ്‌ജറ്റ്'; പ്രതീക്ഷ പങ്കുവച്ച്‌ ധനമന്ത്രി
ചരിത്ര വിജയം നല്‍കിയ കേരളത്തിലെ ജനങ്ങളെ അഭിനന്ദിക്കുകയാണെന്നും ധനമന്ത്രി പറഞ്ഞു.
ദയയില്ലാത്ത ആക്രമണമാണ് ഒന്നാം പിണറായി സര്‍ക്കാര്‍ നേരിട്ടത്. ഐസക്കിന്‍റെ ബഡ്‌ജറ്റിലെ എല്ലാം നിര്‍ദേശങ്ങളും നടപ്പാക്കും. പ്രകടനപത്രികയിലെ വാഗ്ദ്ധാനം സര്‍ക്കാര്‍ കൃത്യമായി നടപ്പാക്കും. ആഭ്യന്തര ഉത്പാദനത്തില്‍ 3.8 ശതമാനം ഇടിവാണ് സംസ്ഥാനത്ത് രേഖപ്പെടുത്തിയത്. ജി എസ് ടി നഷ്‌ടപരിഹാരം വൈകുന്നത് വലിയ സാമ്പത്തിക പ്രതിസന്ധിയാണ് സൃഷ്‌ടിക്കുന്നത്.
ബഡ്‌ജറ്റ് പ്രഖ്യാപനങ്ങള്‍
സാമ്പത്തിക പുനരജ്ജീവന പദ്ധതി നടപ്പാക്കും
എല്ലാവര്‍ക്കും സൗജന്യ വാക്‌സിന്‍ നല്‍കും
വാക്‌സിന്‍ ഗവേഷണ കേന്ദ്രം തുടങ്ങാന്‍ 10 കോടി രൂപ
18 വയസിന് മുകളിലുളളവര്‍ക്ക് വാക്‌സിന്‍ നല്‍കാന്‍ ആയിരം കോടി
8,000 കോടി രൂപ ജനങ്ങളിലേക്ക് നേരിട്ടെത്തിക്കും
20,000 കോടിയുടെ രണ്ടാം കൊവിഡ് സാമ്പത്തിക പാക്കേജ്
2 Comments
ഇരുപതിനായിരം കോടി രൂപകൾ കൊണ്ട് ഓരോ ജില്ലകളിലും കോവിഡ് ചികിത്സക്ക് മാത്രമായി ഓരോ ഫൈവ്സ്റ്റാർ ആശുപത്രികൾ നിർമ്മിക്കാമല്ലോ . ഈശ്വരാ ജനം കോവിഡ് രോഗികളാകാൻ പ്രാർത്ഥിച്ചു പോകും ഇക്കണക്കിനു . ഇതൊക്കെ സത്യമായിട്ടും നടക്കുമോ സാറമ്മാരേ ?
ReplyDelete8000 കോടി രൂപ ജനങ്ങളിലേക്ക് നേരിട്ടേത്തിക്കുമെന്ന് മന്ത്രി . പണ്ട് പതിനഞ്ചു ലക്ഷം രൂപ ഓരോരുത്തരുടെയും അകൗണ്ടിലേക്കു നേരിട്ടേത്തിക്കുമെന്ന് ഞങ്ങളുടെ പ്രധാനമന്ത്രിസ്ഥാനാർഥി പറഞ്ഞപ്പോൾ എന്തായിരുന്നു പരിഹാസങ്ങളുടെ പുകിലും ആഘോഷങ്ങളും ?. ഇപ്പോഴെന്താ ആരും ട്രോളാതെ മിഴിച്ചിരിക്കുന്നത് ?. നിങ്ങളിട്ടാൽ അത് ബർമുഡ . ഞങ്ങളിട്ടാൽ അതേ സാധനം വള്ളിസൗസറ് അല്ലേ സഖാക്കളേ ?.
ReplyDelete