കൊവിഡ് കാലത്ത് സോഷ്യൽമീഡിയയിൽ ഏറെ വൈറലായ വീഡിയോയായിരുന്നു കോഴിക്കോടുകാരൻ നൈസലിന്‍റെ ‘പെര്‍ഫെക്ട് ഓകെ’. രസകരമായ രീതിയിൽ ഇംഗ്ലീഷ് വാക്കുകള്‍ പറയുന്ന നൈസലിന്‍റെ വീഡിയോ ചുരുങ്ങിയ കാലം കൊണ്ടാണ് ഏറെ വൈറലായത്. റാപ്പർ അശ്വിൻ ഭാസ്കര്‍ ഈ വീഡിയോ റാപ് സ്റ്റൈലില്‍ അവതരിപ്പിച്ചതോടെ നൈസലിന് വീണ്ടും ആരാധകർ ഏറി. നിരവധി പേരാണ് പിന്നീട് ഈ പാട്ട് പാടുകയും അവതരിപ്പിക്കുകയും ചെയ്തത്.
ഇപ്പോഴിതാ ‘പെര്‍ഫക്ട് ഓകെ’യുടെ മിമിക്സ് വെർഷനാണ് സമൂഹമാധ്യമങ്ങളിൽ വൈറലാകുന്നത്. മഹേഷ് മിമിക്സ് എന്ന യൂട്യൂബ് ചാനലിലാണ് വീഡിയോ പുറത്തെത്തിയത്. മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക് ഈ പാട്ട് പറഞ്ഞു കൊടുക്കുന്ന രീതിയിലാണ് മിമിക്സ് ചെയ്തിരിക്കുന്നത്. എന്തായാലും പുറത്തെത്തി ചുരുങ്ങിയ സമയം കൊണ്ട് തന്നെ മിമിക്സ് ശ്രദ്ധനേടി കഴിഞ്ഞു. ഇതിന്റെ പിന്നിൽ പ്രവർത്തിച്ച മഹേഷ് കുഞ്ഞുമോന്‍ എന്ന കലാകാരന് അഭിനന്ദനവുമായി നിരവധി പേരാണ് രംഗത്തെത്തുന്നത്.
വീഡിയോ കാണുക👇
കൊവിഡ് ബാധിച്ച് ഐസൊലേഷനിൽ കഴിയുന്ന സുഹൃത്തിന് ആത്മവിശ്വാസം പകരുന്നതിനായി നൈസൽ അയച്ച ഒരു സെൽഫി വീഡിയോ ആയിരുന്നു പെർഫക്ട് ഓക്കെ. വീഡിയോയിൽ നൈസൽ പറഞ്ഞ പെർഫക്ട് ഓക്കെ എന്ന വാക്കും മറ്റു ഡയലോഗുകളും എല്ലാം പിന്നീട് ട്രെൻഡ് ആയി മാറുകയും ചെയ്തു.
0 Comments