പ്രസ്താവന നടത്താന് വേണ്ടിയല്ല പ്രവര്ത്തിക്കുന്നതിനു വേണ്ടിയാണ് മുഖ്യമന്ത്രിയെ വേണ്ടത് : കടന്നാക്രമിച്ച് വി. ഡി സതീശന്...!!!
തിരുവനന്തപുരം: നാര്ക്കോട്ടിക്ക് ജിഹാദ് വിഷയത്തില് സര്വകക്ഷി യോഗമോ സര്വമതയോഗമോ വിളിക്കാത്ത സര്ക്കാര് നയത്തെ വിമര്ശിച്ച് പ്രതിപക്ഷ നേതാവ്.
പ്രസ്താവന നടത്താന് വേണ്ടിയല്ല പ്രവര്ത്തിക്കുന്നതിനു വേണ്ടിയാണ് മുഖ്യമന്ത്രിയെ വേണ്ടതെന്നും വി ഡി സതീശന് പറഞ്ഞു. വര്ഗീയ സംഘര്ഷം ഉണ്ടാകുമ്ബോള് പരിഹരിക്കാന് എന്ത് നടപടിയെടുത്തു. അനങ്ങാപ്പാറ നയമാണ് മുഖ്യമന്ത്രിക്ക്. സംഘ്പരിവാര് ഈ വിഷയത്തില് മുതലെടുപ്പ് നടത്തുമ്ബോള് അറിഞ്ഞോ അറിയാതെയോ നീണ്ടുപോകട്ടെ എന്ന സമീപനമാണ് സര്ക്കാരും സി പി എമ്മും സ്വീകരിക്കുന്നതെന്ന് പ്രതിപക്ഷ നേതാവ് കുറ്റപ്പെടുത്തി.
സാമുദായിക ധ്രുവീകരണം ഒഴിവാക്കുന്നതിന് സര്വമതയോഗം, സര്വ കക്ഷിയോഗം എന്നിവ വിളിക്കാന് പറഞ്ഞിട്ട് ആവശ്യമില്ലെന്ന നിലപാടാണ് സര്ക്കാരിനുള്ളത്. പ്രതിപക്ഷം വര്ഗീയതക്ക് എതിരെ വിട്ടുവീഴ്ചയില്ലാത്ത നിലപാടാണ് എടുത്തിട്ടുള്ളത്. അതാര് ചെയ്താലും തെറ്റാണ്. രാഷ്ട്രീയ ലാഭത്തിന് വേണ്ടി ഒരു ശ്രമവും പ്രതിപക്ഷം നടത്തുന്നില്ലെന്ന് സതീശന് പറഞ്ഞു.
സമൂഹമാദ്ധ്യമങ്ങളില് നടക്കുന്ന വ്യാജ പ്രചാരണങ്ങള് അവസാനിപ്പിക്കാന് പൊലീസ് മുന്കൈയെടുക്കണമെന്നും പച്ചവെള്ളത്തിന് തീപിടിക്കുന്ന വര്ത്തമാനം വ്യാജ അക്കൗണ്ടുകളിലൂടെ നടത്തിയിട്ടും ഒരാള് പോലും അറസ്റ്റിലായിട്ടില്ലെന്നും സതീശന് കുറ്റപ്പെടുത്തി. വര്ഗ്ഗീയത പച്ചക്കു പറഞ്ഞിട്ടും നടപടിയെടുക്കുന്നില്ലെങ്കില് പിന്നെന്തിനാണ് ഈ നാട്ടില് പൊലീസെന്നും സതീശന് ചോദിച്ചു.
0 Comments