തിരുവനന്തപുരം: സംസ്ഥനത്ത് സ്‌കൂളുകള്‍ തുറക്കാനുള്ള സര്‍ക്കാര്‍ തീരുമാനത്തെ സ്വാഗതം ചെയ്യുന്നുവെന്ന് സിബിഎസ്‌ഇ മാനേജ്മെന്റ് അസോസിയേഷന്. ഓണ്‍ലൈന്‍ ക്ലാസുകള്‍ കുട്ടികളില്‍ മാനസിക പിരിമുറുക്കം സൃഷ്ടിടിക്കുന്നുവെന്ന വാദം ശരിയാണെന്നും സ്‌കൂളുകള്‍ തുറക്കണമെന്നും സിബിഎസ്‌ഇ സംസ്ഥാന പ്രസിഡന്റ് ടിപിഎം ഇബ്രാഹിം ഖാന്‍ പറഞ്ഞു.
മാനേജ്മെന്റ് അസോസിയേഷന് കീഴില്‍ 1500 ഓളം സിബിഎസ്‌ഇ സ്‌കൂളുകളാണ് ഉള്ളത്. തുറക്കാനുള്ള ഒരുക്കങ്ങളെല്ലാം പൂര്‍ത്തീകരിച്ചു. സ്‌കൂളുകള്‍ തുറന്നാല്‍ പഴയ ഫീസ് പുനഃസ്ഥാപിക്കും. ഫീസ് വര്‍ദ്ധന നിലവില്‍ പരിഗണനയിലില്ല. സ്‌കൂള്‍ തുറക്കാനുള്ള സര്‍ക്കാര്‍ മാനദണ്ഡങ്ങള്‍ക്കായി കാത്തിരിക്കുകയാണെന്നും ഇബ്രാഹിം ഖാന്‍ പറഞ്ഞു.
0 Comments