Flash News

6/recent/ticker-posts

ആര് പോയാലും കോൺഗ്രസിന് ഒരു ചുക്കും സംഭവിക്കില്ലെന്ന് പ്രതിപക്ഷ നേതാവ് വി ഡി സതീശൻ

Views
ആര് പോയാലും കോൺഗ്രസിന് ഒരു ചുക്കും  സംഭവിക്കില്ലെന്ന് പ്രതിപക്ഷ നേതാവ് വി ഡി സതീശൻ

തിരുവനന്തപുരം:കോൺഗ്രസ് വിട്ട് ആര് പോയാലും ഒരു ചുക്കും സംഭവിക്കില്ലെന്ന് പ്രതിപക്ഷ നേതാവ് വി ഡി സതീശൻ. കരുണാകരൻ വിട്ടു പോയപ്പോൾ പോലും പാർട്ടി തളർന്നിട്ടില്ലെന്നാണ് സതീശന്റെ ഓർമ്മപ്പെടുത്തൽ. കരുണാകരനെ പോലെ വലിയവർ അല്ല വിട്ടു പോയ ആരും. വിശദീകരണം ചോദിച്ചപ്പോൾ അനിൽകുമാർ നൽകിയത് ധിക്കാരപരമായ മറുപടിയാണെന്നും സതീശൻ വ്യക്തമാക്കി.

നാളെ താൻ പോയാലും കോൺഗ്രസിന് ഒരു ചുക്കും സംഭവിക്കില്ലെന്നാണ് വി ഡി സതീശൻ പറയുന്നത്. ഒരവസരത്തിൽ കരുണാകരൻ കോൺഗ്രസ് വിട്ട് പോയി. കരുണാകരൻ ഇല്ലാതെ തന്നെ കേരളത്തിലെ കോൺഗ്രസിനെ കൈപിടിച്ച് ഉയർത്താൻ നമുക്ക് കഴിഞ്ഞു. കരുണാകരനെ പോലെ വലിയവർ അല്ലല്ലോ ആരും.

അർഹിക്കുന്നതിനേക്കാൾ കൂടുതൽ അംഗീകാരം കിട്ടിയവരാണ് എകെജി സെന്ററിലേക്ക് പോയതെന്നാണ് പ്രതിപക്ഷ നേതാവ് പറയുന്നത്. അർഹിക്കാത്തവർക്ക് ഇനിയെങ്കിലും അംഗീകാരം കൊടുക്കരുതെന്നും ഇതൊരു പാഠമാണെന്നും സതീശൻ പറയുന്നു. ഒരു പാർട്ടി എന്നതിനപ്പുറത്ത് ആൾക്കൂട്ടമായി കോൺഗ്രസ് മാറരുത് എന്ന് തുടർന്ന് അദ്ദേഹം വിശദമാക്കി.

Post a Comment

0 Comments