കെ.എസ്.ആര്‍.ടി.സി പെന്‍ഷന്‍ നല്‍കിയ വകയില്‍ സഹകരണ ബാങ്കുകള്‍ക്ക് ലഭിക്കാനുള്ളത് 200 കോടി രൂപ...!!!
ബാങ്കുകള്‍ക്ക് വന്‍തുക കുടിശ്ശിക ആയതോടെ പെന്‍ഷന്‍ വിതരണം സഹകരണ ബാങ്കുകള്‍ നിര്‍ത്തി. ധനവകുപ്പ് പണം നല്‍കാത്തതാണ് പെന്‍ഷന്‍ വിതരണം അനിശ്ചിതത്വത്തിലാക്കിയത്. കെ.എസ്.ആര്‍.ടി.സിയില്‍ 40,700 പെന്‍ഷന്‍കാരുണ്ട്. ഇവര്‍ക്ക് പെന്‍ഷന്‍ നല്‍കാനായി പ്രതിമാസം 63 കോടി രൂപ വേണം.
സഹകരണ ബാങ്കുകളുടെ കണ്‍സോര്‍ട്ട്യം രൂപവത്കരിച്ചാണ് ഇതിനുള്ള ഫണ്ട് കണ്ടെത്തുന്നത്. ഒാരോ ബാങ്കും അവര്‍ക്കാവുന്ന വിഹിതം പെന്‍ഷന്‍ ഫണ്ടിേലക്ക് കൊടുക്കുകയാണ് ചെയ്യുന്നത്. സംസ്ഥാന സഹകരണ ബാങ്കാണ് കണ്‍സോര്‍ട്ട്യത്തിെന്‍റ ഏകോപനച്ചുമതല നിര്‍വഹിക്കുന്നത്. പണത്തിന് പത്ത് ശതമാനമാണ് നേരേത്ത ബാങ്കുകള്‍ക്ക് പലിശയായി നിശ്ചയിച്ചിരുന്നത്.
ഇത് കുറക്കണമെന്ന് ധനവകുപ്പ് നിര്‍ദേശിച്ചതിനെ തുടര്‍ന്ന് പലിശ 8.8 ശതമാനമായി കുറച്ചു. സര്‍ക്കാര്‍ ഉത്തരവ് പ്രകാരം കെ.എസ്.ആര്‍.ടി.സിയും ബാങ്ക് കണ്‍സോര്‍ട്ട്യവും ഒപ്പുവെച്ച എം.ഒ.യു പ്രകാരം 2021 ജൂലൈ മുതല്‍ 2022 ജൂണ്‍ വരെയുള്ള പെന്‍ഷന്‍ വിതരണം പ്രാഥമിക സഹകരണ ബാങ്കുകളുടെ ചുമതലയാണ്.പെന്‍ഷന്‍ നല്‍കാനുള്ള പണം കെ.എസ്.ആര്‍.ടി.സിക്ക് വായ്പയായാണ് ബാങ്കുകള്‍ നല്‍കുന്നത്. എന്നാല്‍, കരാര്‍ പ്രകാരം തിരിച്ചുനല്‍കേണ്ട പണം സര്‍ക്കാര്‍ യഥാസമയം നല്‍കാത്തതാണ് ഇപ്പോഴത്തെ പ്രതിസന്ധിക്ക് കാരണം. ധനവകുപ്പ് ഫണ്ട് നല്‍കാത്തതാണ് പ്രശ്നെമന്ന് ഗതാഗത വകുപ്പ് പറയുന്നു.
0 Comments