ഉള്ള്യേരി: ആര്‍.എസ്.എസ് നിയന്ത്രണത്തിലുള്ള സേവാഭാരതിയുടെ ഓഫിസ് ഉദ്ഘാടനചടങ്ങില്‍ ലീഗ് നേതാവ് പങ്കെടുത്തതിനെ ചൊല്ലി വിവാദം. മുസ്ലിംലീഗ് പഞ്ചായത്ത് പ്രസിഡന്‍റ് പാറക്കല്‍ അബുഹാജിയും ഏഴാം വാര്‍ഡ് ലീഗ് മെംബറായ മുനീറനാസറും ആണ് ചടങ്ങില്‍ പങ്കെടുത്തത്. ഉള്ള്യേരി 19ല്‍ തുടങ്ങിയ സേവാഭാരതി കാര്യാലയത്തി‍െന്‍റ ഉദ്ഘാടന ചടങ്ങിലെ ലീഗ് പഞ്ചായത്ത് പ്രസിഡന്‍റി‍െന്‍റ സാന്നിധ്യത്തെ ചൊല്ലി പാര്‍ട്ടി അണികള്‍ക്കിടയില്‍ തന്നെ വലിയ പ്രതിഷേധമാണ് ഉയര്‍ന്നിട്ടുള്ളത്. കൊളത്തൂര്‍ അദ്വൈതാശ്രമം മഠാധിപതി സ്വാമി ചിദാനന്ദപുരി, ആര്‍.എസ്.എസ് നേതാവ് പി. ഗോപാലന്‍കുട്ടി എന്നിവര്‍ക്കൊപ്പമാണ് ഇവര്‍ പങ്കെടുത്തത്. കോണ്‍ഗ്രസി‍െന്‍റയും ദലിതി‍െന്‍റയും പ്രാദേശിക നേതാക്കളും ചടങ്ങില്‍ പങ്കെടുത്തിരുന്നു. പരിപാടിയുടെ പടങ്ങള്‍ സമൂഹ മാധ്യമങ്ങളില്‍ വ്യാപകമായി പ്രചരിച്ചതോടെ ലീഗ് നേതൃത്വത്തിനെതിരെ രൂക്ഷമായ വിമര്‍ശനമാണ് ഉയരുന്നത്.
പഞ്ചായത്ത് ലീഗ് പ്രസിഡന്‍റി‍െന്‍റ ഭാഗത്തുനിന്നും ജാഗ്രതക്കുറവുണ്ടായി എന്നാണ് നേതൃത്വത്തി‍െന്‍റ വിലയിരുത്തല്‍. അണികളില്‍ നിന്നും പ്രതിഷേധം ഉയര്‍ന്ന സാഹചര്യത്തില്‍ ലീഗ് പഞ്ചായത്ത് കമ്മിറ്റി തിങ്കളാഴ്ച രാത്രി അടിയന്തര യോഗം വിളിച്ചിട്ടുണ്ട്. അബുഹാജിക്കെതിരെ നടപടിയുണ്ടായേക്കുമെന്നാണ് ലീഗ് വൃത്തങ്ങള്‍ നല്‍കുന്ന സൂചന. അതേസമയം, പാര്‍ട്ടി അറിഞ്ഞുകൊണ്ടാണ് ഓഫിസ് ഉദ്‌ഘാടനം എന്നനിലയിലാണ് പരിപാടിയില്‍ പങ്കെടുത്തതെന്നും പാര്‍ട്ടി എടുക്കുന്ന ഏതു തീരുമാനവും അംഗീകരിക്കുമെന്നും പാറക്കല്‍ അബുഹാജി മാധ്യമത്തോട് പറഞ്ഞു.
0 Comments