Flash News

6/recent/ticker-posts

സംസ്ഥാനത്ത് ആർഎസ്‌എസ്‌ - എസ്‌ഡിപിഐ ക്രിമിനലുകളുടെ പട്ടിക തയ്യാറാക്കാൻ സംസ്ഥാന പൊലീസ് മേധാവിയുടെ നിർദ്ദേശം

Views
ആലപ്പുഴയിൽ അടുത്തിടെ ഉണ്ടായ അക്രമസംഭവങ്ങളുടെ പശ്ചാത്തലത്തിൽ സംസ്ഥാന പൊലീസ് മേധാവി അനിൽ കാന്ത് കൂടുതൽ മാർഗ്ഗനിർദേശങ്ങൾ പുറപ്പെടുവിച്ചു. ആർഎസ്‌എസ്‌ – എസ്‌ഡിപിഐ വിഭാഗത്തിൽപ്പെട്ട ക്രിമിനലുകളുടെയും മുൻപ് കേസുകളിൽ പെട്ടവരുടെയും പട്ടിക ജില്ലാടിസ്ഥാനത്തിൽ തയ്യാറാക്കാൻ അദ്ദേഹം നിർദേശം നൽകി.
വാറന്റ് നിലവിലുള്ള പ്രതികളെയും ഒളിവിൽ കഴിയുന്നവരെയും കണ്ടെത്തി അറസ്റ്റ് ചെയ്യും. ജാമ്യത്തിൽ കഴിയുന്നവർ ജാമ്യവ്യവസ്ഥകൾ ലംഘിക്കുന്നുണ്ടോയെന്ന് പരിശോധിക്കും. മറ്റു കേസുകളിൽ തുടർച്ചയായ പരിശോധനയും നടപടികളും ഉണ്ടാകും.
സമീപകാലത്ത് കേരളത്തിൽ ഉണ്ടായ കൊലപാതകങ്ങളിൽ നേരിട്ടു പങ്കെടുത്തവരുടെയും അവ ആസൂത്രണം| ചെയ്‌തവരുടെയും വാഹനവും ആയുധവും ഫോണും നൽകി സഹായിച്ചവരുടെയും വിവരങ്ങൾ ശേഖരിച്ച് അറസ്റ്റ് ഉൾപ്പെടെയുള്ള നിയമനടപടികൾ സ്വീകരിക്കും.

അക്രമങ്ങൾക്ക് പണം നൽകിയവരെയും പ്രതികളെ ഒളിപ്പിച്ചവരെയും കണ്ടെത്തി കേസെടുക്കും. ക്രിമിനൽ സംഘങ്ങൾക്ക് പണം കിട്ടുന്ന സ്രോതസ്സ് കണ്ടെത്താൻ ആവശ്യമായ അന്വേഷണം നടത്തി മേൽനടപടി സ്വീകരിക്കും. വർഗീയ വിദ്വേഷം പരത്തുന്ന തരത്തിൽ സാമൂഹികമാധ്യമങ്ങളിൽ നിരവധി സന്ദേശങ്ങൾ പ്രചരിക്കുന്നതായി ശ്രദ്ധയിൽപ്പെട്ടിട്ടുണ്ട്.
ഇത്തരം സന്ദേശങ്ങളും  വ്യാജവാർത്തകളും പ്രചരിപ്പിക്കുന്നവരെ കണ്ടെത്തി നടപടി സ്വീകരിക്കാൻ എല്ലാ ജില്ലാ പോലീസ് മേധാവിമാർക്ക് പ്രത്യേക നിർദ്ദേശം നൽകി. ഇത്തരം ചർച്ചകൾക്ക് അനുവാദം നൽകുന്ന ഗ്രൂപ്പുകളിലെ അഡ്മിൻമാരെയും കേസിൽ പ്രതിയാക്കും.
സാമൂഹ്യമാധ്യമങ്ങളിൽ നിരന്തരം നിരീക്ഷണം നടത്താൻ എല്ലാ ജില്ലകളിലേയും സൈബർ വിഭാഗത്തെയും ചുമതലപ്പെടുത്തിയിട്ടുണ്ട്. നിർദ്ദേശങ്ങൾ നടപ്പിലാക്കിയതു സംബന്ധിച്ച് ക്രമസമാധാനവിഭാഗം എ.ഡി.ജി.പിയും മേഖലാ ഐ.ജി മാരും എല്ലാ ആഴ്ചയും റിപ്പോർട്ട് നൽകണമെന്നും ഡിജിപി നിർദ്ദേശിച്ചു.

ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

1 Comments

  1. വളരേ നല്ല നടപടി . RSS കാരേയും SDPI ക്കാരുടെയും വിവരങ്ങൾ മാത്രം ശേഖരിച്ചാൽ പോരാ സാർ . അക്രമരാഷ്ട്രീയത്തിന്റെ തത്വശാസ്ത്രത്തിലും പ്രയോഗത്തിലും വിശ്വസിക്കുന്നവരും അത്തരം രാഷ്ട്രീയ അക്രമങ്ങളും കൊലപാതകങ്ങളും നടപ്പാക്കിക്കൊണ്ടിരിക്കുന്ന എല്ലാ പാർട്ടികളിലുമുള്ള പ്രവർത്തകരുടെ പട്ടികകൾ തയ്യാറാക്കുകയും പോലീസിലെ രഹസ്യന്വേഷണവിഭാഗം ഇത്തരം അക്രമരാഷ്ട്രീയക്കാരുടെ നീക്കങ്ങളും ഒത്തുചേരലുകളും സദാ നിരീക്ഷിച്ചുകൊണ്ടിരിക്കുകയും വേണം .. മതമൗലികവാദികളുടെ ചെലവിൽ രാഷ്ട്രീയമൗലികവാദികളെ കൊല നടത്തി (എംബ്രാന്റെ വിളക്കത്തു വാര്യരുടെ ഊണ് എന്നൊരു ചൊല്ലുള്ളതും അതിന്റെ അർത്ഥവും ദയവായി മനസ്സിൽ വെക്കുക ) "മാഷാ അല്ലാഹ് " എന്ന സ്റ്റിക്കർ ഒട്ടിച്ചു വിപ്ലവമൗലികവാദികളെ രക്ഷപ്പെടാൻ ഒരിക്കലും അനുവദിക്കരുത് . പോലീസും സമാധാനകാംക്ഷികളായ പൗരന്മാരും ജാഗ്രത പാലിക്കണം .

    ReplyDelete