മാനവ വിഭവശേഷി, സ്വദേശിവല്‍ക്കരണ മന്ത്രാലയം പ്രഖ്യാപിച്ച പുതിയ ഏകീകൃത പൊതു വ്യവസ്ഥകള്‍ പ്രകാരം പൊതു, സ്വകാര്യ മേഖലയിലെ ജീവനക്കാര്‍ക്ക് ഒരേ തരത്തിലുള്ള അവധികള്‍ക്ക് അര്‍ഹതയുണ്ടാകും. ഫെഡറല്‍ ഡിക്രി നിയമത്തിലെ പുതിയ വ്യവസ്ഥകള്‍ രാജ്യത്തുടനീളമുള്ള ജീവനക്കാര്‍ക്ക് ഒരേ അവകാശങ്ങള്‍ നല്‍കുന്നു. സംയോജിതവും സുസ്ഥിരവും മത്സരാധിഷ്ഠിതവുമായ തൊഴില്‍ മേഖല കെട്ടിപ്പടുക്കുന്നതിന് പൊതു-സ്വകാര്യ മേഖലകളെ ഏകീകരിക്കുന്നതാണ് ലക്ഷ്യം. 2022 ഫെബ്രുവരി 2 മുതല്‍, രാജ്യത്തുടനീളമുള്ള ജീവനക്കാര്‍ക്ക് വാര്‍ഷിക, പ്രസവ, പിതൃത്വ, വിലാപ അവധി, പഠന അവധികള്‍ ലഭിക്കും
അവധികള്‍ ഇവയൊക്കെ
വാര്‍ഷിക അവധികള്‍: മുഴുവന്‍ സമയ പൊതു, സ്വകാര്യ മേഖലയിലെ ജീവനക്കാര്‍ക്ക് എല്ലാ വര്‍ഷവും 30 ദിവസത്തെ വാര്‍ഷിക അവധിക്ക് അര്‍ഹതയുണ്ട്. ജീവനക്കാര്‍ ആറുമാസത്തെ ജോലി പൂര്‍ത്തിയാക്കിക്കഴിഞ്ഞാല്‍, വര്‍ഷം പൂര്‍ത്തിയാകുന്നതിന് മുമ്പ് എല്ലാ മാസവും രണ്ട് ശമ്പളത്തോടുകൂടിയ അവധിക്ക് അര്‍ഹതയുണ്ട്.
പ്രസവാവധി: രണ്ട് മേഖലകളിലും, പ്രസവാവധി 60 ദിവസമായിരിക്കും, അതില്‍ 45 ദിവസം മുഴുവന്‍ വേതനവും, പകുതി വേതനത്തില്‍ 15 ദിവസം അധികവും. ജോലിയില്‍ തിരിച്ചെത്തിയാല്‍, ആദ്യമായി അമ്മമാരായവര്‍ക്ക് പ്രസവം മുതല്‍ ആറ് മാസത്തേക്ക് മുലയൂട്ടാന്‍ ദിവസത്തില്‍ ഒരു മണിക്കൂര്‍ ലഭിക്കും. സ്ത്രീ ജീവനക്കാര്‍ക്ക് അവരുടെ പ്രസവാവധി മറ്റേതെങ്കിലും അംഗീകൃത അവധിയുമായി സംയോജിപ്പിക്കാം. കൂടാതെ തൊഴിലുടമകള്‍ക്ക് പ്രസവാവധി എടുത്തതിന് ഒരു ജീവനക്കാരിയെയും പിരിച്ചുവിടാന്‍ കഴിയില്ല.പിതൃത്വ അവധി: തുടര്‍ച്ചയായി അല്ലെങ്കില്‍ കുഞ്ഞ് ജനിച്ച് ആദ്യത്തെ ആറ് മാസത്തിലുടനീളം ഉപയോഗിക്കുന്നതിന് പുരുഷന്മാര്‍ക്ക് അഞ്ച് ദിവസത്തെ പിതൃത്വ അവധി ലഭിക്കും.
വിലാപ അവധി: ജീവിതപങ്കാളിയുടെ മരണശേഷം ജീവനക്കാര്‍ക്ക് 5 ദിവസത്തെ അവധിയും, കുടുംബാംഗങ്ങളുടെ മരണശേഷം 3 ദിവസത്തെ അവധിയും ജീവനക്കാര്‍ക്ക് ലഭിക്കും.
അസുഖ അവധി: ജീവനക്കാര്‍ക്ക് ഒരു വര്‍ഷത്തില്‍ കുറഞ്ഞത് 90 ദിവസത്തെ അസുഖ അവധിക്ക് അര്‍ഹതയുണ്ട്. അതില്‍ 15 ശമ്പളമുള്ള ദിവസങ്ങള്‍, പകുതി ശമ്പളത്തില്‍ 30 ദിവസം, ശമ്പളമില്ലാത്ത ബാക്കി കാലയളവ്.
പഠന അവധി: രാജ്യത്തിനകത്തും പുറത്തുമുള്ള യുഎഇ അംഗീകൃത വിദ്യാഭ്യാസ സ്ഥാപനത്തിലോ സര്‍വ്വകലാശാലയിലോ ചേര്‍ന്നിട്ടുള്ള ജീവനക്കാര്‍ക്ക് പരീക്ഷകള്‍ക്കായി വര്‍ഷത്തില്‍ 10 ദിവസത്തെ അവധി ലഭിക്കും.
0 Comments