Flash News

6/recent/ticker-posts

2021-ൽ യൂട്യൂബിൽ നിന്ന്​ ഏറ്റവും കൂടുതൽ പണമുണ്ടാക്കിയവർ​ ഇവരാണ്​..! ഒന്നാമൻ നേടിയത്​ കേട്ടാൽ ഞെട്ടും

Views ലോകത്ത്​ ഏറ്റവും കൂടുതൽ വരുമാനം നേടുന്ന യൂട്യൂബർമാരുടെ ലിസ്റ്റ്​ പുറത്തുവിട്ടിരിക്കുകയാണ്​ ഫോർബ്​സ്​. മിസ്റ്റർ ബീസ്റ്റ്​ എന്ന ജിമ്മി ഡോണാൾഡ്​സൺ ആണ് യൂട്യൂബിൽ നിന്ന്​​ കഴിഞ്ഞ വർഷം ഏറ്റവും കുടുതൽ വരുമാനമുണ്ടാക്കിയ താരം. 54 മില്യൺ ഡോളറാണ് (402 കോടിയോളം രൂപ)​ മിസ്റ്റർ ബീസ്​റ്റ് കഴിഞ്ഞ​ ഒരു വർഷം യൂട്യൂബിൽ നിന്ന്​ നേടിയത്​. ഫോർബ്​സി​െൻറ റിപ്പോർട്ട്​ പ്രകാരം യൂട്യൂബ്​ ചരിത്രത്തിൽ തന്നെ ഏറ്റവും കുടുതൽ വാർഷിക വരുമാനം നേടിയ വ്യക്തിയാണ്​ 23 കാരനായ മിസ്റ്റർ ബീസ്റ്റ്.

MrBeast/YouTube

2020ലെ യൂട്യൂബർമാരുടെ ഫോർബസ്​ ലിസ്റ്റിൽ ഒന്നാമതായ കിഡ്​സ്​ യൂട്യൂബറായ റയാ​െൻറ (റയാൻസ്​ വേൾഡ്​ – യൂട്യൂബ്​ ചാനൽ) വാർഷിക വരുമാനത്തി​െൻറ ഇരട്ടിയോളമാണ്​ മിസ്റ്റർ ബീസ്റ്റ് 2021ൽ നേടിയത്​. 50 ദശലക്ഷം സബ്​സ്​ക്രൈബർമാരായിരുന്നു കഴിഞ്ഞ വർഷത്തി​െൻറ തുടക്കത്തിൽ ബിസ്റ്റിനുണ്ടായിരുന്നത്​. അത്​ ഇപ്പോൾ 88 ദശലക്ഷമായി വർധിച്ചിട്ടുമുണ്ട്​.

ഡാറ്റാ അനലിറ്റിക്‌സ് വെബ്‌സൈറ്റായ സോഷ്യൽബ്ലേഡി​െൻറ റിപ്പോർട്ട്​ പ്രകാരം യൂട്യൂബിൽ ഏറ്റവും കൂടുതൽ സബ്​സ്​ക്രൈബർമാരുള്ള ചാനലുകളിൽ എട്ടാമനാണ്​ മിസ്റ്റർ ബീസ്റ്റ്​. അമേരിക്കയിൽ ഇക്കാര്യത്തിൽ മൂന്നാമനുമാണ്​. രണ്ട്​ തരം വിഡിയോകളാണ്​ 23കാരനായ ജിമ്മി യൂട്യൂബിൽ ചെയ്യാറുള്ളത്​. വലിയ തുകയോ, കാറുകളോ ​െഎഫോണുകളോ വാഗ്ദാനം ചെയ്​തുകൊണ്ട്​ രസകരമായ ഗെയിമുകളിൽ ആളുകളെ പരസ്​പരം മത്സരപ്പിക്കും. ​ ജീവകാരുണ്യ പ്രവർത്തനങ്ങളുമായി ബന്ധപ്പെട്ട വിഡിയോകളാണ് മറ്റൊന്ന്​. 14 ബില്യൺ കാഴ്​ച്ചക്കാരാണ്​ അത്തരത്തിലുള്ള വിഡിയോകൾക്ക്​ ലഭിച്ചത്​.

കഴിഞ്ഞ നവംബറിൽ മിസ്റ്റർ ബീസ്​റ്റ്​ അപ്​ലോഡ്​ ചെയ്​ത വിഡിയോ 200 ദശലക്ഷം ആളുകളാണ്​ കണ്ടത്​. ചാനലിലെ ഏറ്റവും ജനപ്രീതി സ്വന്തമാക്കിയ വിഡിയോയും അതായിരുന്നു. നെറ്റ്​ഫ്ലിക്​സിൽ റിലീസായ ബ്ലോക്​ബസ്റ്റർ​ സീരീസ്​ ‘സ്​ക്വിഡ്​ ഗെയിം’ അടിസ്ഥാനമാക്കിയുള്ള വിഡിയോ ആയിരുന്നു അത്​.

യൂട്യൂബിലെ രണ്ടാമത്തെ കോടീശ്വരൻ ജേക്​ പോളാണ് (Jake Paul)​. 45 ദശലക്ഷം ഡോളറായിരുന്നു ജേക്​ പോളി​െൻറ വരുമാനം. മാർകിപ്ലെയർ (Markiplier) എന്ന യൂട്യൂബ്​ ചാനൽ നടത്തുന്ന മാർക്​ ഫിഷ്​ബാക്കാണ്​ മൂന്നാമത്​ (38 ദശലക്ഷം). റെറ്റ്​ ആൻഡ്​ ലിങ്ക്​ (Rhett and Link) (30 മില്യൺ), അൺസ്​പീക്കബ്​ൾ (Unspeakable) (28.5 മില്യൺ) എന്നിവരാണ്​ നാലും അഞ്ചും സ്ഥാനങ്ങളിലുള്ളത്​.



ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments