Flash News

6/recent/ticker-posts

മദ്യലഹരിയില്‍ വാക്കുതര്‍ക്കം; ഇടുക്കിയില്‍ യുവാവ് സുഹൃത്തിനെ വെട്ടിക്കൊന്നു

Views ഇടുക്കി: കാഞ്ഞാറിന് സമീപം യുവാവ് സുഹൃത്തിനെ വെട്ടിക്കൊന്നു. കാഞ്ഞാര്‍ പൂച്ചപ്ര സ്വദേശി സനലാണ് കൊല്ലപ്പെട്ടത്. സുഹൃത്തായ അരുണിനെ പോലിസ് കസ്റ്റഡിയിലെടുത്തു. മദ്യലഹരിയിലുണ്ടായ വാക്കുതര്‍ക്കത്തെ തുടര്‍ന്ന് സനലിനെ അരുണ്‍ വാക്കത്തികൊണ്ട് വെട്ടിക്കൊലപ്പെടുത്തുകയായിരുന്നുവെന്ന് പോലിസ് അറിയിച്ചു. രാത്രി എട്ടുമണിയോടെയായിരുന്നു സംഭവം. അരുണിന്റെ വീട്ടില്‍വച്ചാണ് സനലിനെ വെട്ടിയത്. അവിവാഹിതനായ അരുണ്‍ ഒറ്റയ്ക്ക് താമസിക്കുന്ന വീട്ടില്‍ വച്ച് ഇരുവരും മദ്യപിക്കുന്നത് പതിവായിരുന്നു. മദ്യപാനത്തിനിടെ തര്‍ക്കമുണ്ടാവുകയും ഇതിനിടയില്‍ വാക്കത്തിയെടുത്ത് സനലിനെ വെട്ടുകയുമായിരുന്നെന്ന് പോലിസ് പറഞ്ഞു. വെട്ടേറ്റ സനല്‍ സംഭവസ്ഥലത്ത് തന്നെ മരിച്ചു. താനാണ് വെട്ടിയതെന്ന് ആദ്യം ഓടിയെത്തിയ നാട്ടുകാരനോട് അരുണ്‍ പറഞ്ഞതായി നാട്ടുകാര്‍ പോലിസിന് മൊഴി നല്‍കിയിട്ടുണ്ട്.



ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments