Flash News

6/recent/ticker-posts

സമൂഹ മാധ്യമങ്ങൾ ഒരു വിഭാഗം പൊലീസിനെ രൂക്ഷമായി വിമർശിക്കുമ്പോൾ ഇവിടെ ഒരു വിഭാഗം പൊലീസിനെ തോളിലേറ്റുകയാണ്.

Views
മലപ്പുറം: ഞായറാഴ്ച നിയന്ത്രണങ്ങൾക്കിടെ ആശുപത്രിയിൽ നിന്നും വീട്ടിൽ പോകാൻ കഴിയാതെ വന്ന ഉമ്മയ്ക്കും മക്കൾക്കും തണലായി  പോലീസ്. സമൂഹമാധ്യമങ്ങളിൽ പോലീസിനെതിരെ വിമർശനങ്ങൾ ഉയരുന്നതിനിടെയാണ് മാതൃകാപ്രവർത്തനവുമായി ഉദ്യോഗസ്ഥർ രംഗത്തെത്തിയത്.

പെരിന്തൽമണ്ണയിലും തകൃതിയായി വാഹന പരിശോധന നടന്നുകൊണ്ടിരിക്കെ,
 “സാറേ... അലനല്ലൂരിലേക്ക് പോകാൻ എന്താ ചെയ്യാ എന്ന് ചോദിച്ച് ഒരു ഉമ്മ
 എത്തി. രണ്ട് ആൺമക്കളാണ് ഇവർക്കൊപ്പമുണ്ടായിരുന്നത്.

അലനല്ലൂരിലേക്ക് പോകാൻ ഓട്ടോയല്ലാതെ മറ്റു മാർഗങ്ങളില്ല. ഉമ്മയുടെ കയ്യിലാണേൽ ആകെയുള്ളത് 20 രൂപയും. മൂത്തവന് സുഖമില്ലാത്തതിനാൽ നട്ടെല്ലിന് സൂചി വെച്ച് അമൃത ആശുപത്രിയിൽ നിന്നും തിരിച്ചുവരുന്ന വഴിയാണ്. ഓട്ടോയ്ക്ക് ചാർജ് ചോദിച്ചപ്പോൾ 700 രൂപയെങ്കിലും വേണമെന്നാ ഓട്ടോക്കാരൻ പറഞ്ഞതെന്ന് ഉമ്മ പറഞ്ഞു. ഇതെല്ലാം കേട്ട പോലീസുകാർ തൊട്ടടുത്ത കടയുടെ
തിണ്ണയിൽ ഇരിക്കാൻ ഉമ്മയോടു പറഞ്ഞു. പോകാനുള്ള വാഹനം പോലീസുകരൻ തിരയാൻ തുടങ്ങി.

ആദ്യം എത്തിയ ഓട്ടോക്കാരൻ വാഹനത്തിന്റെ ടയർ മോശമാണെന്ന് പറഞ്ഞ് കൈമലർത്തി. പിന്നാലെ എത്തിയ ഓട്ടോക്കാരൻ വെറും 300 രൂപയ്ക്ക് ഇവരെ എത്തിക്കാമെന്ന് പറഞ്ഞു. ഉമ്മയുടെ കൈയിൽ അത്രയും പണമില്ലെന്നു മനസിലാക്കിയ പോലീസുകാർ   പിരിച്ചെടുത്തു. ആ തുക ഓട്ടോ ഡ്രൈവർക്ക് നൽകിയാണ് ഉമ്മയെയും

മക്കളെയും പെരിന്തൽമണ്ണ സ്റ്റേഷനിലെ പോലീസുകാർ യാത്രയാക്കിയത്. ഇവർ പറയുന്ന സ്ഥലത്ത് വണ്ടി നിർത്തി കൊടുക്കണം എന്നും ഓട്ടോ ഡ്രൈവറോട് പോലീസുകാർ അഭ്യർഥിക്കുകയും ചെയ്തു. നിറകണ്ണുകളോടെ പോലീസുകാർക്ക് നന്ദി പറഞ്ഞാണ് ഉമ്മയും മക്കളും വീട്ടിലേക്ക് മടങ്ങിയത്.

പെരിന്തൽമണ്ണ പോലീസ് സ്റ്റേഷനിലെ എസ്ഐമാരായ അബ്ദുൽ അസീസ്, അബ്ദുൽ ഗഫൂർ, എ എസ് ഐ രാമചന്ദ്രൻ, സീനിയർ സിപിഒ മൊയ്തീൻ, സുരേന്ദ്ര ബാബു, സുരേഷ് എന്നിവരായിരുന്നു കാക്കിക്കുള്ളിലെ ആ നന്മ മരങ്ങൾ. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിലൂടെ വൈറലായതോടെ ഉദ്യോഗസ്ഥരെ അഭിനന്ദിച്ചു നിരവധി ആളുകളാണ് രംഗത്തെത്തിയത്.

ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments