Flash News

6/recent/ticker-posts

"കദംബ സാമ്പാർ"കദംബ സാമ്പാർ; എന്നും ഒരേ രീതിയിൽ സാമ്പാർ കഴിച്ചു മടുത്തെന്ന പരാതി വേണ്ട

Views

"കദംബ സാമ്പാർ"

കദംബ സാമ്പാർ; എന്നും ഒരേ രീതിയിൽ സാമ്പാർ കഴിച്ചു മടുത്തെന്ന പരാതി വേണ്ട


കദംബ സാമ്പാർ, തമിഴ് നാടുസ്റ്റൈൽ കല്യാണ സാമ്പാർ.എന്നും ഒരേ രീതിയിൽ ഉള്ള സാമ്പാർ കഴിച്ചു മടുത്തെങ്കിൽ ഇഡ്ഡലി, ദോശ, ചോറിനും  ഈ സാമ്പാർ ഉണ്ടാക്കി നോക്കാം. 

ചേരുവകൾ

1.ചെറിയ ഉള്ളി -10 -12 എണ്ണം
2. സവാള -1 എണ്ണം
3. തക്കാളി -1 എണ്ണം
4. മുരിങ്ങക്കായ -1 എണ്ണം
5. വഴുതനങ്ങ -1 എണ്ണം
6. ബീൻസ് -2 എണ്ണം
7. മത്തൻ കഷ്ണങ്ങളാക്കിയത് -1 ചെറിയ കപ്പ്
8. തുവരപരിപ്പ് വേവിച്ചു നന്നായി ഉടച്ചത് -1 കപ്പ്‌
9. പുളി പിഴിഞ്ഞത് -1 ചെറിയ നെല്ലിക്ക വലുപ്പത്തിൽ ഉള്ളത്
10. വെളിച്ചെണ്ണ -2 ടേബിൾ സ്പൂൺ
11. കടുക് -1/2 ടീസ്പൂൺ
12. ഉലുവ -1/4 ടീസ്പൂൺ
13. ഉഴുന്ന് പരിപ്പ് -1 ടേബിൾ സ്പൂൺ
14. കായം പൊടി -1/4 ടീസ്പൂൺ
15. ചുവന്ന മുളക് -2 എണ്ണം
16. സാമ്പാർ പൊടി -2 ടേബിൾ സ്പൂൺ
17. മഞ്ഞൾ പൊടി -1/2 ടീസ്പൂൺ
18. കറിവേപ്പില
19. മല്ലിയില
20. ഉപ്പ്

തയാറാക്കുന്ന വിധം

ഒരു പാത്രത്തിൽ വെളിച്ചെണ്ണ ചൂടാക്കി കടുക് പൊട്ടിക്കുക. അതിലേക്കു ഉലുവ, ഉഴുന്ന്, ചുവന്ന മുളക്, കറിവേപ്പില എന്നിവ വറക്കുക. ചെറിയ ഉള്ളി ഇട്ടു വഴറ്റുക. കൂടെ കായം പൊടിച്ചത് കൂടി ചേർത്ത് വേണം വഴറ്റാൻ. അതിലേക്കു സവാള ചേർത്ത് വഴറ്റുക.
അതിനുശേഷം തക്കാളി  ചെറുതാക്കി നുറുക്കിയതും മഞ്ഞൾ പൊടിയും ചേർത്ത് നന്നായി ഇളക്കി ഒന്ന് വേവിക്കുക.
അതിനു ശേഷം 4 മുതൽ 7 വരെ ഉള്ള ചേരുവകൾ ചേർത്തിളക്കി അതിലേക്കു സാമ്പാർ പൊടി ചേർത്ത് നന്നായി ഇളക്കി യോജിപ്പിക്കുക. അതിലേക്കു ആവശ്യത്തിന് ഉപ്പ്, പുളി പിഴിഞ്ഞത്, ആവശ്യത്തിന് വെള്ളം എന്നിവ ഒഴിച്ച് ഇളക്കി അടച്ചു വച്ചു ഒരു മുക്കാൽ ഭാഗം വേവ് ആകുന്നതു വരെ വേവിക്കുക.
അതിനുശേഷം അതിലേക്കു വേവിച്ചു നന്നായി ഉടച്ചു വച്ച തുവര പരിപ്പ് ചേർത്ത് ഇളക്കി നന്നായി വേവിക്കുക.
നന്നായി വെന്തു തിളയ്ക്കുമ്പോൾ അതിലേക്ക് മല്ലിയില അരിഞ്ഞത് ചേർത്തിളക്കി തീ അണയ്ക്കുക.

ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments