കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയ കേസില് 12 പേരുമായുള്ള സംഭാഷണം തിരിച്ചെടുക്കാനാകാത്ത വിധം നീക്കി ദിലീപ്.
ഐ ഫോണിലെ ചാറ്റുകളാണ് തിരിച്ചെടുക്കാനാകാത്ത വിധം നീക്കിയത്. നീക്കിയ ചാറ്റുകളില് ഷാര്ജ ക്രിക്കറ്റ് അസോസിയേഷന് ഭാരവാഹിയുടെ സംഭാഷണവും ഉണ്ട്.
ഇതോടെ ഷാര്ജ ക്രിക്കറ്റ് അസോസിയേഷന് സി ഇ ഒ ഗാലിഫും സംശയ നിഴലിലായി. ഫോണുകള് കോടതിക്ക് കൈമാറുന്നതിന് തൊട്ടു മുന്പായിരുന്നു ഇതെന്നും കണ്ടെത്തിയിട്ടുണ്ട്. ദുബായില് ബിസിനസ് നടത്തുകയാണ് ഗാലിഫ്.
കോടതി ഉത്തരവ് അനുസരിച്ച് മൊബൈല് ഫോണുകള് കോടതിയ്ക്ക് കൈമാറും മുമ്ബ് 12 നമ്ബറുകളിലേക്ക് ഉള്ള ചാറ്റുകളാണ് ദീലീപ് നീക്കിയത്. വീണ്ടെടുക്കാന് കഴിയാത്തവിധം ഈ ചാറ്റുകള് മാറ്റിയതില് ദുരൂഹത ഉണ്ടെന്നാണ് ക്രൈംബ്രാഞ്ച് നിഗമനം.
ദുബായില് സൂപ്പര്മാര്ക്കറ്റ് നടത്തുന്ന മലപ്പുറം സ്വദേശി ജാഫര്, ദുബായിലെ സാമൂഹിക പ്രവര്ത്തകന് തൃശൂര് സ്വദേശി നസീര്, ദിലീപിന്റെ അളിയന് സൂരജ് എന്നിവരുമായുള്ള വാട്സ്ആപ്പ് ചാറ്റുകളും നശിപ്പിച്ചതില് ഉണ്ട്
0 Comments