മലപ്പുറം : സന്തോഷ് ട്രോഫി ഫുട്ബോള് ചാമ്പ്യന്ഷിപ്പിന്റെ സെമി ലൈനപ്പായി. ഏപ്രില് 28 ന് മഞ്ചേരി പയ്യനാട് സ്റ്റേഡിയത്തില് നടക്കുന്ന ആദ്യ സെമിയില് ഗ്രൂപ്പ് എയിലെ ചാമ്പ്യന്മാരായ കേരളം ഗ്രൂപ്പ് ബിയലെ രണ്ടാം സ്ഥാനക്കാരായ കര്ണാടകയെ നേരിടും. ഏപ്രില് 29 ന് രാത്രി 8.00 മണിക്ക് പയ്യനാട് സ്റ്റേഡിയത്തില് നടക്കുന്ന രണ്ടാം സെമിയില് ഗ്രൂപ്പ് ബിയിലെ ഒന്നാം സ്ഥാനക്കാരായ മണിപ്പൂരും ഗ്രൂപ്പ് ബിയിലെ രണ്ടാം സ്ഥാനക്കാരായ വെസ്റ്റ് ബംഗാളും തമ്മില് ഏറ്റുമുട്ടും.
പാങ്ങ് ന്യൂസ്
ഗ്രൂപ്പ് ഘട്ടത്തില് തോല്വി അറിയാതെയാണ് കേരളം സെമിക്ക് യോഗ്യത നേടിയത്. മൂന്ന് ജയവും ഒരു സമനിലയുമാണ് ടീമിന്റെ സമ്പാദ്യം. മേഘാലയയാണ് കേരളത്തെ സമനിലയില് കുരുക്കിയത്. ആദ്യ മത്സരത്തില് എതിരില്ലാത്ത അഞ്ച് ഗോളുകള്ക്ക് രാജസ്ഥനെയും രണ്ടാം മത്സരത്തില് എതിരില്ലാത്ത രണ്ട് ഗോളുകള് കരുത്തരായ ബംഗാളിനെയും അവസാന മത്സരത്തില് ഒന്നിനെതിരെ രണ്ട് ഗോളുകള്ക്ക് പഞ്ചാബിനെയും തോല്പ്പിച്ചാണ് കേരളം സെമിക്ക് യോഗ്യത നേടിയത്. ക്യാപ്റ്റന് ജിജോ ജോസഫാണ് ടീമിന്റെ ടോപ് സ്കോറര്. നാല് മത്സരങ്ങളില് നിന്നായി ഒരു ഹാട്രിക്ക് അടക്കം അഞ്ച് ഗോളാണ് ജിജോ ജോസഫ് നേടിയത്.
0 Comments