Flash News

6/recent/ticker-posts

മൂന്നര വയസുകാരനെ ലൈംഗികമായി പീഡിപ്പിച്ചത് അമ്മയുടെ കാമുകന്‍; കേരളത്തെ നടുക്കിയ ക്രൂരത; പ്രതിക്ക് 21 വര്‍ഷം ജയില്‍വാസം

Views

തൊടുപുഴ: കുമാരമംഗലത്ത് മൂന്നരവയസുകാരനെ ലൈംഗികമായി പീഡിപ്പിച്ച കേസില്‍ അമ്മയുടെ കാമുകനായ പ്രതിക്ക് 21 വര്‍ഷം ജയില്‍വാസം ശിക്ഷ.തിരുവനന്തപുരം കവടിയാര്‍ കടവട്ടൂര്‍ കാസിലില്‍ അരുണ്‍ ആനന്ദിനെ (36) ആണ് തൊടുപുഴ പോക്‌സോ കോടതി ശിക്ഷ വിധിച്ചത്. കുട്ടിയുടെ മൂത്തസഹോദരനെ മര്‍ദിച്ചുകൊന്നെന്ന കേസിലും വിചാരണ നേരിടുന്ന ഇയാള്‍ നിലവില്‍ തിരുവനന്തപുരം സെന്‍ട്രല്‍ ജയിലിലാണ്.
വിവിധ വകുപ്പുകളിലായാണ് അരുണ്‍ ആനന്ദിന് 21 വര്‍ഷം ശിക്ഷ വിധിച്ചത്. പ്രതി പതിനഞ്ച് വര്‍ഷം ശിക്ഷ അനുഭവിച്ചാല്‍ മതിയാകും. 3, 81,000 രൂപ പിഴയും നല്‍കണമെന്നും കോടതി ഉത്തരവിട്ടു.

2019ലായിരുന്നു സംഭവം. കുട്ടികളുടെ പിതാവിന്റെ മരണശേഷം അരുണ്‍ ആനന്ദ് ഇവരുടെ അമ്മയ്‌ക്കൊപ്പം താമസിച്ചുവരുകയായിരുന്നു. ഇതിനിടയില്‍, മാര്‍ച്ച്‌ 28ന് മൂത്തകുട്ടിയെ തലയോട്ടി തകര്‍ന്ന നിലയില്‍ ആശുപത്രിയില്‍ പ്രവേശിപ്പിച്ചു. ഈ കേസില്‍ പൊലീസ് നടത്തിയ അന്വേഷണത്തിലാണ് മൂന്നരവയസുകാരനായ ഇളയകുട്ടി ലൈംഗികാതിക്രമത്തിന് ഇരയായെന്നും കണ്ടെത്തിയത്.തുടര്‍ന്ന് പോക്‌സോ നിയമപ്രകാരം പൊലീസ് കേസ് രജിസ്റ്റര്‍ചെയ്തു. ഇതിനിടെ, പരിക്കേറ്റ മൂത്ത കുട്ടി ഏപ്രില്‍ ആറിന് ചികിത്സയിലിരിക്കെ മരിച്ചു.

ഇളയകുട്ടിയെ ദേഹോപദ്രവം ഏല്പിച്ചതിനും ആവര്‍ത്തിച്ചുള്ള ലൈംഗികാതിക്രമത്തിനും ബാലപീഡനത്തിനും മറ്റുമാണ് കേസെടുത്തിരുന്നത്. ഇതെല്ലാം സംശയത്തിനതീതമായി തെളിഞ്ഞതായി പോക്‌സോ കോടതി ജഡ്ജി നിക്‌സണ്‍ എം.ജോസഫ് ചൂണ്ടിക്കാട്ടി.കുട്ടിയുടെ അമ്മയും മുത്തശ്ശിയുമടക്കം 17 പ്രോസിക്യൂഷന്‍ സാക്ഷികളുടെ മൊഴി കോടതി രേഖപ്പെടുത്തിയിരുന്നു. 22 പ്രോസിക്യൂഷന്‍ രേഖകളും പരിശോധിച്ചു. കുട്ടിയെ വൈദ്യപരിശോധന നടത്തിയ ഡോക്ടറുടെ മൊഴിയും നിര്‍ണായകമായി


Post a Comment

1 Comments

  1. കൊച്ചുകുട്ടികളുടെ സംരക്ഷണം ശരിയായി നിർവഹിക്കാത്ത അച്ഛനമ്മമാരെയും ഇത്തരം കേസുകളിൽ പ്രതി ചേർത്ത് ശിക്ഷിക്കാൻ നിയമയുണ്ടാകണം . എങ്കിൽ മാത്രമേ ശിശുസംരക്ഷണ നിയമങ്ങളുടെ ഉദ്ദേശശുദ്ധി പൂർണമാകുകയുള്ളൂ .

    ReplyDelete