ക്യാമ്പില് റിപ്പോര്ട്ട് ചെയ്യുന്നതിനു മുമ്പായി തീര്ത്ഥാടകരുടെ ആര് ടി പി സി ആര് പിശോധന, ലഗേജ് സമര്പ്പിക്കല് തുടങ്ങിയ കാര്യങ്ങള് എയര്പോര്ട്ടില് സജ്ജീകരിച്ച പ്രത്യേക കൗണ്ടറുകളില് നിന്നും പൂര്ത്തിയാക്കി. ശേഷം ഹാജിമാരെ ഹജ്ജ് കമ്മിറ്റിയുടെ പ്രത്യേക വാഹനത്തില് ക്യാമ്പിലേക്ക് എത്തിച്ചു. ആദ്യ വിമാനത്തില് യാത്രയാവേണ്ട ഹാജിമാര്ക്കുള്ള പാസ്പോര്ട്ട് ഉള്പ്പെടെയുള്ള രേഖകള്, സഊദി റിയാല് തുടങ്ങിയവ നാളെ ഹജ്ജ് ക്യാമ്പില് നിന്നും വിതരണം ചെയ്യും. ഹാജിമാര് യാത്രയിലും മക്ക, മദീന സ്ഥലങ്ങളിലും പാലിക്കേണ്ട പ്രധാന നിര്ദ്ദേശങ്ങള് സംബന്ധിച്ച പ്രത്യേക അറിയിപ്പും ഹാജിമാര്ക്ക് നല്കും.
വിമാനം പുറപ്പെടുന്നതിനു മൂന്ന് മണിക്കൂര് മുമ്പായി തീര്ത്ഥാടകരെ എയര്പോര്ട്ടിലെ പ്രത്യേക ഹജ്ജ് ടെര്മിനലിലേക്ക് എത്തിക്കും. ഞായറാഴ്ച പുലര്ച്ചെ 12.50 നു പുറപ്പെടേണ്ട ഹാജിമാര് വ്യാഴാഴ്ച ഉച്ചക്ക് ശേഷം രണ്ട് മണിയോടെ ക്യാമ്പില് റിപ്പോര്ട്ട് ചെയ്തു. ഇവര്ക്കുള്ള യാത്ര രേഖകള് ശനിയാഴ്ച കൈമാറും.
0 Comments