മലപ്പുറം: മലപ്പുറം ഏരിയായിലെ പ്രധാന റൂട്ടുകളില് പോലും സര്വീസ് നടത്താന് കഴിയാത്തവിധം അനധികൃത ഓട്ടം നടത്തുന്ന ഓട്ടോറിക്ഷകള്ക്കെതിരേ അടിയന്തര നടപടി സ്വീകരിക്കണമെന്ന് ഓള് കേരള ബസ് ഓപ്പറേറ്റേഴ്സ് ഓര്ഗനൈസേഷന് മലപ്പുറം യൂണിറ്റ് ജനറല് ബോഡി യോഗം ആവശ്യപ്പെട്ടു.നിര്ത്താനും ആളുകളെ കയറ്റി കൊണ്ടുപോകാനും വേണ്ടി ബസുക്കള്ക്കു മാത്രം അനുവദിച്ച സ്ഥലങ്ങളില് വരെ ഓട്ടോറിക്ഷകള് സര്വീസ് നടത്തുന്നതായി യോഗം ചൂണ്ടിക്കാട്ടി.
ബസ് ചാര്ജ് വര്ധനവ് നടപ്പായെങ്കിലും അതിന്റെ ഗുണം ഓട്ടോറിക്ഷകളുടെ നിയമവിരുദ്ധമായ സര്വീസ് മൂലം ബസുടമകള്ക്ക് ലഭിക്കാതെ പോവുകയാണെന്നു യോഗം ചൂണ്ടിക്കാട്ടി.
സംസ്ഥാന പ്രസിഡന്റ് പി.കെ മൂസ, ജനറല് സെക്രട്ടറി ടി. ഗോപിനാഥന്, വൈസ് പ്രസിഡന്റ് വിദ്യാധരന്, ജില്ലാ പ്രസിഡന്റ് കെ.വി അബ്ദുറഹ്മാന്, ജില്ലാ ജനറല് സെക്രട്ടറി എം.സി കുഞ്ഞിപ്പ, ട്രഷറര് വി.പി ശിവകാരന്, ജില്ലാ വൈസ് പ്രസിഡന്റുമാരായ കൊണ്ടോട്ടി കുഞ്ഞിക്ക, സുമിത്രന് തിരൂര്, ഭാരവാഹികളായ ഉസ്മാന് മേലേതില്, നിലന്പൂര് താലൂക്ക് പ്രസിഡന്റ് കളത്തുംപടി മുസ്തഫ, മലപ്പുറം യൂണിറ്റ് ഭാരവാഹികളായ വാക്കിയത്ത്് കോയ, സി.കെ അബ്ദുള് റഷീദ് തുടങ്ങിയവര് പ്രസംഗിച്ചു.
ഭാരവാഹികളായി രാജന് എന്ന ബാബു (പ്രസിഡന്റ്), മുഹമ്മദ് ഷെരീഫ് പിച്ചന്, മുഹമ്മദ് മച്ചിങ്ങല്, മുഹമ്മദലി കൂട്ടിലങ്ങാടി (വൈസ്പ്രസിഡന്റ്), വാക്കിയത്ത് കോയ (ജനറല് സെക്രട്ടറി), ലത്തീഫ് ത്രീസ്റ്റാര്, ഖഫാര് ലീഡര്, മുസ്തഫ ഏറനാട് (ജോയിന്റ് സെക്രട്ടറി), സി.കെ അബ്ദുള് റഷീദ് (ട്രഷറര്) എന്നിവരെ തെരഞ്ഞെടുത്തു.
0 Comments