"ചെവിക്കുള്ളിൽ ചൊറിഞ്ഞിട്ട് ഭ്രാന്ത് പിടിക്കും... ഒരു ബഡ്സിട്ടാൽ ഹാ....എന്താ സുഖം....!" മിക്കയാളുകളും പറയുന്ന ഡയലോഗാണിത്.
ചെവിക്കായം (Earwax) മൂലമാണ് ചെവിയിൽ ചൊറിച്ചിൽ അല്ലെങ്കിൽ വേദനയോ ചെവിയാപ്പോ ഉണ്ടാകുന്നത്. ഇതിനായി ബഡ്‌സ് ഉപയോഗിക്കുന്നത് ദോഷകരമാണ്. ചിലർ സേഫ്റ്റി പിൻ, ഹെയർ പിൻ , പേന , പെൻസിൽ തുടങ്ങിയവയെല്ലാം ചെവിയിലിട്ട് തിരിക്കുന്നത് അപകടം തന്നെ. ചെവിക്കകത്തെ ചെവിക്കായം എങ്ങനെ ഒഴിവാക്കാൻ കഴിയും എന്നതിനെ കുറിച്ചാണിവിടെ പറയുന്നത്.
എല്ലാ മെഡിക്കൽ ഷോപ്പുകളിലും ലഭിക്കുന്ന ഹൈഡ്രജൻ പെറോക്സൈഡ് (3%) ചെവിയിലേക്ക് 3 തുള്ളി ഇറ്റിക്കുക. അൽപ സമയത്തിനുള്ളിൽ അത് പതഞ്ഞ് പൊങ്ങിവരികയും ചെവിക്കായം തുടച്ചെടുക്കാവുന്നതുമാണ്. ഇപ്രകാരം ഇരു ചെവിയിലും ചെയ്യാം. ഇതാണ് ഒരു മാർഗ്ഗം.
മറ്റൊരു മാർഗ്ഗം , അൽപം വെളിച്ചെണ്ണ ഇളം ചൂടിൽ മൂന്നോ നാലോ തുള്ളി ചെവിയിലേക്കിറ്റിച്ച് അഞ്ച് മിനുട്ടിന് നേരം കിടക്കുക.ശേഷം ചെവിയുടെ ഭാഗത്ത് ഒരു തുണി വെച്ച് ആ ചെവി താഴ്ഭാഗത്തേക്കാക്കി കിടക്കുക. അപ്പോൾ ചെവിക്കായം ഒലിച്ച് പുറത്തേക്ക് വരുന്നതാണ്.
ചെവിക്കായം അധികമായി അടിഞ്ഞ് കൂടിയതാണെങ്കിൽ ഡോക്ടറെ (ഇ എൻ ടി) സമീപിക്കുന്നതാണ് നല്ലത്.
0 Comments