വയനാട് : മേപ്പാടി മുണ്ടക്കൈയിൽ മണ്ണിടിച്ചിൽ. ജനവാസമില്ലാത്ത മേഖലയിലാണ് സംഭവം. 2020 ൽ ഉരുൾപൊട്ടി ഇവിടെ 3 വീടുകൾ തകർന്നിരുന്നു. പിന്നീട് ഈ മേഖലയിൽ നിന്ന് ആളുകളെ മാറ്റിപാർപ്പിക്കുകയായിരുന്നു. വനം വകുപ്പും പൊലീസും സ്ഥലത്തെത്തി.
അതേസമയം, മുൻ കരുതലിൻ്റെ ഭാഗമായി മലയുടെ അടിഭാഗത്ത് താമസിക്കുന്ന പുഞ്ചിരിമട്ടം ആദിവാസി കോളനിയിലെ 4 കുടുംബങ്ങളെ മറ്റൊരിടത്തേക്ക് മാറ്റി. ജില്ലയിൽ ശക്തമായ മഴ തുടരുന്ന സാഹചര്യത്തിൽ ഇന്ന് മുഴുവൻ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ അവധി പ്രഖ്യാപിച്ചു. പ്രൊഫഷണൽ ഉൾപ്പെടെയുള്ള മുഴുവൻ വിദ്യാഭ്യാസ സ്ഥാപനങ്ങൾക്കും അവധിയായിരിക്കുമെന്ന് ജില്ലാ കലക്ടർ അറിയിച്ചു. ജില്ലയിൽ മഴ തുടരുന്ന സാഹചര്യത്തിലും ദുരിതാശ്വാസ ക്യാംപുകൾ പ്രവർത്തിക്കുന്ന സാഹചര്യത്തിലുമാണ് അവധി പ്രഖ്യാപിച്ചത്.
എന്നാൽ കോട്ടയം, ഇടുക്കി, തൃശൂര്, പാലക്കാട്, കോഴിക്കോട്, വയനാട്, കണ്ണൂര്, കാസര്കോട് ജില്ലകളിൽ യെല്ലോ അലര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് ഒറ്റപ്പെട്ട ശക്തമായ മഴയ്ക്കാണ് സാധ്യത. വടക്ക് പടിഞ്ഞാറന് ബംഗാള് ഉള്ക്കടലിലെ ന്യൂനമര്ദത്തിന്റെ സ്വാധീനത്താല് വടക്കന് കേരളത്തില് മഴ കനക്കും. തെക്കന് മഹാരാഷ്ട്ര തീരം മുതല് വടക്കന് കേരള തീരം വരെ നിലനില്ക്കുന്ന ന്യുനമര്ദ്ദപാത്തിയും മധ്യ കിഴക്കന് അറബിക്കടലിലെ ചക്രവാത ചുഴിയും മഴയെ സ്വാധീനിക്കും
0 Comments