Flash News

6/recent/ticker-posts

കുന്നുംപുറത്ത് പട്ടാപ്പകൽ മോഷണം നടത്തിയ പ്രതി പിടിയിൽ

Views
തിരൂരങ്ങാടി : കുന്നുംപുറത്ത് ജ്വല്ലറി ഉടമയെ കബളിപ്പിച്ച് സ്വർണാഭരണം മോഷ്ടിച്ച യുവാവ് പിടിയിൽ. തിരൂർ പറവണ്ണ യാരൂക്കാൻറെ പുരക്കൽ ആഷിഖ് (43) ആണ് പിടിയിലായത്.

കുന്നുംപുറം കുന്നുമ്മൽ ഗോൾഡ്‌ പാലസിൽ ശനിയാഴ്ച യാണ് മോഷണം നടന്നത്. ഉച്ചയ്ക്ക് 2 ന് ജ്വല്ലറിയിൽ എത്തിയ ഇയാൾ വള ആവശ്യപ്പെട്ടു. വിവിധ മോഡലുകൾ കാണിച്ചു കൊടുത്തു. ഇതിനിടയിൽ ഒരു വള കൈക്കലാക്കിയ ശേഷം മറ്റൊരു വള കാണിച്ചു അതിന്റെ ബില്ല് അടിക്കാൻ ആവശ്യപ്പെടുകയായിരുന്നു. ഇതിനിടയിൽ വണ്ടിയിൽ നിന്ന് ചാവി എടുത്തു വരാമെന്ന് പറഞ്ഞു മുങ്ങുകയായിരുന്നു. ഇയാളുടെ പെരുമാറ്റത്തിൽ സംശയം തോന്നി പരിശോധിച്ചപ്പോഴാണ് വള മോഷണം പോയത് അറിയുന്നത്.

ഇയാളെ താനൂർ ഡി വൈ എസ് പി പി വി ബെന്നിയുടെ നേതൃത്വത്തിൽ ഡാൻസഫ് സംഘം വെട്ടത്ത് വെച്ച് പിടികൂടുകയായിരുന്നു.


Post a Comment

0 Comments