കരിപ്പൂരിൽ ഉംറ തീർത്ഥാടനത്തിന്റെ മറവിൽ കള്ളക്കടത്ത്; 4 പേർ പിടിയിൽ
കരിപ്പൂര് വിമാനത്താവളം വഴി അനധികൃതമായി സ്വര്ണം കടത്തിയ സംഭവത്തില് 4 പേര് പിടിയിലായി. ഉംറ തീര്ത്ഥാടനത്തിന്റെ മറവിലായിരുന്നു കള്ളക്കടത്ത്. ക്യാപ്സൂളുകളായാണ് സ്വര്ണം കടത്തിയത്. നാല് പേരില് നിന്നായി ലക്ഷങ്ങള് വിലമതിക്കുന്ന 13 ക്യാപ്സ്യൂളുകളാണ് പിടികൂടിയത്. കള്ളക്കടത്ത് സംഘമാണ് ഉംറ പാക്കേജ് നടത്തുന്നതിനായുള്ള ചെലവ് വഹിക്കുന്നതെന്നാണ് ഇവര് പറയുന്നത്. ഇതോടെ ഇത്തരത്തില് പിടികൂടിയവരുടെ എണ്ണം ഏഴായി.
മലപ്പുറം ഊരകം മേൽമുറി സ്വദേശിയായ വെളിച്ചപ്പാട്ടിൽ ഷുഹൈബിൽ നിന്നും 1064 ഗ്രാം തൂക്കം വരുന്ന നാലു ക്യാപ്സ്യൂളുകളും, വയനാട് മേപ്പാടി സ്വദേശിയായ ആണ്ടികാടൻ യൂനസ് അലി (34)യിൽ നിന്നും 1059 ഗ്രാം തൂക്കം വരുന്ന നാലു ക്യാപ്സൂളുകളും കാസർക്കോട് മുലിയടുക്കം സ്വദേശിയായ അബ്ദുൽ ഖാദറി (22)ൽ നിന്ന് 851 ഗ്രാം തൂക്കം വരുന്ന മൂന്നു ക്യാപ്സൂളുകളും, മലപ്പുറം അരിമ്പ്ര സ്വദേശിയായ വെള്ളമാർതൊടി മുഹമ്മദ് സുഹൈലി(24)ൽ നിന്നും 481 ഗ്രാം തൂക്കം വരുന്ന രണ്ടു ക്യാപ്സ്യൂളുകളുമാണ് പിടിച്ചെടുത്തത്.
0 Comments