Flash News

6/recent/ticker-posts

ദേശീയപാത രണ്ടത്താണിയിലെ ഓട്ടോറിക്ഷ അപകടം; ഗുരുതര പരുക്കേറ്റ് ചികിത്സയിലായിരുന്ന യുവതിയും മരിച്ചു.

Views
കോട്ടയ്ക്കൽ: മാർച്ച് 20ന് ദേശീയപാത 66 രണ്ടത്താണിയിൽ വെച്ച് കാറും ഓട്ടോറിക്ഷയും കൂട്ടിയിടിച്ചുണ്ടായ അപകടത്തിൽ ഗുരുതര പരുക്കു പറ്റി കോഴിക്കോട് മെഡിക്കൽ കോളേജിൽ ചികിത്സയിലായിരുന്ന യുവതിയും മരിച്ചു.
ഓട്ടോയിലുണ്ടായിരുന്ന വേങ്ങര കണ്ണമംഗലം തോട്ടശ്ശേരിയറ പോക്കാട്ട് ഷിജിയാണ് (30) മരിച്ചത്.അപകടത്തിൽ യുവതിയുടെ ഭർത്താവ് തോട്ടശ്ശേരിയറ പുള്ളിപ്പാറ തെക്കേ മണപ്പാട്ടിൽ രഞ്ജിത്ത് (36) സംഭവ സ്ഥലത്തു വെച്ചു തന്നെ മരിച്ചിരുന്നു. കൂടെയുണ്ടായിരുന്ന മക്കൾ ജിൽജിത്ത് (11), ശിവാനി (6) എന്നിവർക്ക് പരുക്കേറ്റിരുന്നുവെങ്കിലും അപകടനില തരണം ചെയ്തു.
കൊടുങ്ങല്ലൂരിലേയ്ക്ക് ക്ഷേത്രദർശനത്തിനു പോകവേയായിരുന്നു പുലർച്ചെ മൂന്നു മണിയോടെ രഞ്ജിത്ത് ഓടിച്ച സ്വകാര്യ ഓട്ടോയും കാറും തമ്മിൽ കൂട്ടിയിടിച്ചത്. 

പരപ്പനങ്ങാടി കോവിലകം റോഡിലെ പോക്കാട്ട് സത്യപാലൻ - തങ്ക ദമ്പതികളുടെ മകളാണ് ഷിജി.സന്തോഷ്, ലിജി,വിജി എന്നിവർ സഹോദരങ്ങളാണ്.
കോഴിക്കോട് മെഡിക്കൽ കോളേജ് മോർച്ചറിയിൽ സൂക്ഷിച്ച മൃതദേഹം തിങ്കളാഴ്ച പോസ്റ്റുമോർട്ടത്തിനുശേഷം ചെങ്ങാനി കുടുംബ ശ്മശാനത്തിൽ സംസ്കരിക്കും.



Post a Comment

0 Comments