തിരുവനന്തപുരം: ബാലരാമപുരത്ത് മതപഠന കേന്ദ്രത്തിൽ പതിനേഴുകാരിയെ മരിച്ച നിലയിൽ കണ്ടെത്തിയതിൽ ബന്ധുക്കൾ ദുരൂഹത ആരോപിച്ചു.
ബീമാപള്ളി സ്വദേശിനി അസ്മിയ മോളുടെ മരണത്തിലാണ് ബന്ധുക്കൾ പൊലീസിൽ പരാതി നൽകിയത്. ബീമാപള്ളി സ്വദേശിനി അസ്മിയ ബാലരാമപുരത്തെ മതപഠന കേന്ദ്രത്തിൽ താമസിച്ചാണ് പഠിച്ചിരുന്നത്. ഇന്നലെ ഇതേ മതപഠന കേന്ദ്രത്തിൽ തൂങ്ങി മരിച്ച നിലയിൽ കണ്ടെത്തുകയായിരുന്നു.
സ്ഥാപന അധികൃതരിൽ നിന്നു കുട്ടി പീഡനം നേരിട്ടതായാണ് ആരോപണം.
കഴിഞ്ഞ പെരുന്നാളിന് ശേഷം പെൺകുട്ടി
സ്ഥാപനത്തിനെതിരെ പരാതി അറിയിച്ചിരുന്നെന്ന് ബന്ധുക്കൾ പറഞ്ഞു. ഇന്നലെ 2:00 മണിയോടെ കുട്ടി ഉമ്മയെ വിളിച്ച് ഉടൻ ബലരാമപുരത്ത് എത്തണമെന്ന് ആവശ്യപ്പെട്ടു. ഒന്നര മണിക്കൂറിനുളളിൽ സ്ഥാപനത്തിലെത്തിയ മാതാവിനെ കുട്ടിയെ കാണാൻ ആദ്യം അനുവദിച്ചില്ല. പിന്നീട് കുട്ടി കുളിമുറിയിൽ മരിച്ച് കിടക്കുന്നതായാണ് അറിയിച്ചത്. അസ്വാഭാവിക മരണത്തിന് കേസ് എടുത്ത പൊലീസ് അന്വേഷണം ആരംഭിച്ചു.
0 Comments