കോഴിക്കോട് : കൂടുതൽ സഞ്ചാരികളെ ആകർഷിക്കുന്നതിന്റെ ഭാഗമായി ബേപ്പൂർ ബീച്ചിൽ ഫുഡ് ട്രക്ക് ഒരുക്കാൻ സംസ്ഥാന സർക്കാർ തീരുമാനം. ഫുഡ് ട്രക്ക് സ്ഥാപിക്കാൻ കെടിഡിസി സമർപ്പിച്ച പദ്ധതി പ്രകാരം നിർമാണത്തിന് 30 ലക്ഷം രൂപ അനുവദിച്ച് സർക്കാർ ഉത്തരവായി. കെറ്റിഡിസിക്ക്‌ ആണ് ഫുഡ് ട്രക്കിന്റെ നിർമാണ ചുമതല. ഭരണാനുമതി ലഭിച്ചത് മുതൽ ആറു മാസത്തിനകം നിർമാണം പൂർത്തിയാക്കണം.
സംസഥാനമാകെ ആഭ്യന്തര സഞ്ചാരികളുടെ എണ്ണം വർധിച്ചതോടെ സഞ്ചാരികൾ കൂടുതലായി എത്തുന്ന ബേപ്പൂർ ബീച്ചിൽ അടിസ്ഥാന സൗകര്യങ്ങൾ വർധിപ്പിക്കുന്നതിന്റെ ഭാഗമായാണ് ഫുഡ് ട്രക്ക് സ്ഥാപിക്കുന്നതിന് മണ്ഡലത്തിന്റെ പ്രതിനിധികൂടിയായ ടൂറിസം മന്ത്രി പി എ മുഹമ്മദ് റിയാസ് പറഞ്ഞു.
0 Comments