കൊല്ലം - മദ്യലഹരിയിൽ വാഹനമോടിച്ച് അപകടമുണ്ടാക്കിയതിന് ആം ആദി സംസ്ഥാന പ്രസിഡന്റ് അഡ്വ. വിനോദ് മാത്യു
വിൽസണെതിരെ പോലീസ് കേസെടുത്തു. കൊല്ലം കാങ്കത്തുമുക്കിൽ വച്ചാണ് അപകടമുണ്ടായത്. വിനോദ് മാത്യുവിന്റെ കാർ സിഗ്നൽ
പോസ്റ്റിലേക്ക് ഇടിച്ചുകയറുകയായിരുന്നു. ഇയാളെ നാട്ടുകാരാണ് പോലീസിന് ഏൽപ്പിച്ചുകൊടുത്തത്. വൈദ്യപരിശോധനയിൽ വിനോദ് മദ്യപിച്ചതായി പോലീസ് പറഞ്ഞു. കൂടെയുണ്ടായിരുന്ന സുഹൃത്തുമായി വഴക്കിട്ടതിനെ തുടർന്നാണ് വാഹനത്തിന്റെ നിയന്ത്രണം നഷ്ടമായതെന്ന് കൊല്ലം വെസ്റ്റ് പോലീസ് പറഞ്ഞു. അറസ്റ്റ് രേഖപ്പെടുത്തിയ ശേഷം പ്രതിയെ സ്റ്റേഷൻ ജാമ്യത്തിൽ വിട്ടു.
0 Comments