തിരുവനന്തപുരം : ഓടുന്ന വാഹനങ്ങളിലെ തീപിടിത്തം തുടർക്കഥയായതോടെ ഉന്നതതല യോഗം ചേരാൻ ഗതാഗതവകുപ്പ്. വാഹന നിർമ്മാതാക്കളുടെയും വിദഗ്ധരുടെയും യോഗം ഗതാഗത മന്ത്രി ആന്റണി രാജുവിന്റെ അധ്യക്ഷതയിൽ നടത്താനാണ്‌ തീരുമാനം. തീപിടിത്ത കാരണം കണ്ടെത്തി തടയുകയാണ് യോഗത്തിന്റെ ലക്ഷ്യം.
കഴിഞ്ഞ ദിവസം മാവേലിക്കരയിൽ കാറിന് തീ പിടിച്ച് യുവാവ് വെന്ത് മരിച്ചിരുന്നു. കാർ വീട്ടിലേക്ക് കയറ്റവെ തീ പടരുകയും കാറിലുണ്ടായിരുന്ന കാരാഴ്മ കിണറ്റും കാട്ടിൽ കൃഷ്ണപ്രകാശ് (കണ്ണൻ -35) മരണപ്പെടുകയും ചെയ്തിരുന്നു. സമാന സംഭവങ്ങൾ ആവർത്തിക്കുന്നതിന്റെ പശ്ചാത്തലത്തിലാണ് പ്രശ്നത്തെക്കുറിച്ചു പഠിക്കാനും പരിഹാരം കണ്ടെത്താനും ഗതാഗത വകുപ്പ് തയാറെടുക്കുന്നത് .
0 Comments