കോഴിവില കൂകിപ്പായുന്നു... തോന്നിയിടത്ത് തോന്നിയ വില

Views

കോ​ഴി​ക്കോ​ട്: ഓ​ണ​മ​ടു​ത്ത​തോ​ടെ വി​പ​ണി​യി​ൽ കോ​ഴി​വി​ല തോ​ന്നി​യ​പോ​ലെ. ഒ​രാ​ഴ്ച​ക്കി​ടെ വ​ർ​ധി​ച്ച​ത് 50 രൂ​പ. കോ​ഴി​യി​റ​ച്ചി​ക്ക് ഒ​രി​ട​ത്ത് 200 എ​ങ്കി​ൽ മ​റ്റു ചി​ല​യി​ട​ത്ത് 230ഉം 240​ഉം. ഇ​നി​യും വി​ല​യു​യ​രു​മെ​ന്നു​ത​ന്നെ​യാ​ണ് വി​പ​ണി​യി​ലെ സൂ​ച​ന​ക​ൾ. ന​ഗ​ര​ത്തി​ലെ ന​ട​ക്കാ​വ് ഭാ​ഗ​ങ്ങ​ളി​ൽ 200 രൂ​പ​യാ​ണ് ഇ​റ​ച്ചി​വി​ല. ന​ഗ​ര​പ്രാ​ന്ത​ങ്ങ​ളി​ലും മ​റ്റു ചി​ല​യി​ട​ങ്ങ​ളി​ലും 230ഉം 220​ഉം ഒ​ക്കെ വി​ല​യു​ണ്ട്.

കേ​ര​ള​ത്തി​ലെ ഉ​ത്സ​വ​കാ​ല​ങ്ങ​ളി​ൽ കോ​ഴി​വി​ല വ​ർ​ധി​ക്കു​ന്ന​ത് പ​തി​വാ​ണെ​ങ്കി​ലും ഇ​ക്കു​റി വി​ല പ​തി​വി​ലേ​റെ കൂ​കി​പ്പാ​യു​മെ​ന്നു ത​ന്നെ​യാ​ണ് ക​ച്ച​വ​ട​ക്കാ​ർ പ​റ​യു​ന്ന​ത്. ക​ഴി​ഞ്ഞ നോ​മ്പ്, പെ​രു​ന്നാ​ൾ കാ​ല​ത്ത് കോ​ഴി​യി​റ​ച്ചി വി​ല റെ​ക്കോ​ഡ് ഭേ​ദി​ച്ചി​രു​ന്നു. ഇ​റ​ച്ചി കി​ലോ​ക്ക് 280 രൂ​പ​വ​രെ എ​ത്തി​യി​രു​ന്നു. ഓ​ണ​ത്തി​നും ഈ ​വി​ല​യി​ൽ എ​ത്തു​മെ​ന്നാ​ണ് ക​ച്ച​വ​ട​ക്കാ​ർ ന​ൽ​കു​ന്ന സൂ​ച​ന.

കേ​ര​ള​ത്തി​ലെ ഉ​ത്സ​വ​കാ​ലം മു​ന്നി​ൽ​ക​ണ്ട് ത​മി​ഴ്നാ​ട്ടി​ലെ ഉ​ൽ​പാ​ദ​ക​ർ കൃ​ത്രി​മ​ക്ഷാ​മം സൃ​ഷ്ടി​ക്കു​ന്ന​തു​കൊ​ണ്ടാ​ണ് വി​ല​യേ​റു​ന്ന​തെ​ന്ന് ക​ച്ച​വ​ട​ക്കാ​ർ പ​റ​യു​ന്നു. കേ​ര​ള​ത്തി​ലും ത​മി​ഴ്നാ​ട്ടി​ലു​മു​ള്ള ഫാ​മു​ക​ളി​ൽ ഉ​ൽ​പാ​ദ​നം കു​റ​ച്ചി​രി​ക്കു​ക​യാ​ണ്. ഇ​തോ​ടെ ആ​വ​ശ്യം കൂ​ടു​ന്ന​തി​ന​നു​സ​രി​ച്ച് വി​ല​യും കു​തി​ക്കു​ന്നു.

ത​മി​ഴ്നാ​ട്ടി​ലെ പ​ല്ല​ട​ത്തു​നി​ന്നും നാ​മ​ക്ക​ലി​ൽ​നി​ന്നു​മാ​ണ് കോ​ഴി​​ക​ൾ എ​ത്തു​ന്ന​ത്. പാ​ല​ക്കാ​ട് ജി​ല്ല​യി​ലെ അ​തി​ർ​ത്തി​യി​ലും ഫാ​മു​ക​ളു​ണ്ട്. കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും ഫാ​മു​ക​ളി​ൽ ആ​വ​ശ്യ​ത്തി​ന് കോ​ഴി​ക​ൾ ഉ​ള്ള​പ്പോ​ൾ പൂ​ഴ്ത്തി​വെ​ച്ച് കൃ​ത്രി​മ​ക്ഷാ​മം സൃ​ഷ്ടി​ക്കു​ക​യാ​ണെ​ന്ന് ചി​ക്ക​ന്‍ വ്യാ​പാ​രി സ​മി​തി ആ​രോ​പി​ച്ചു.

ജി​ല്ല ഭ​ര​ണ​കൂ​ടം ഇ​ട​പെ​ട്ട് പൂ​ഴ്ത്തി​വെ​പ്പു​കാ​രെ ക​ണ്ടെ​ത്തി ന​ട​പ​ടി​യെ​ടു​ത്ത് ഓ​ണ​ക്കാ​ല​ത്ത് ന്യാ​യ​വി​ല​ക്ക് കോ​ഴി​യി​റ​ച്ചി ല​ഭ്യ​മാ​ക്കാ​നു​ള്ള അ​വ​സ​രം സൃ​ഷ്ടി​ക്ക​ണ​മെ​ന്ന് ചി​ക്ക​ന്‍ വ്യാ​പാ​രി സ​മി​തി ജി​ല്ല പ്ര​സി​ഡ​ന്റ് കെ.​വി. റ​ഷീ​ദ് ആ​വ​ശ്യ​പ്പെ​ട്ടു.

---

---