മൂന്നിയൂർ:പടിക്കൽ കുമ്മൻതൊടു പാലത്തിനു സമീപം ഓട്ടോയും ബൈക്കും കൂട്ടിയിടിച്ച് ഒരാൾ മരണപ്പെട്ടു. പടിക്കൽ സ്വദേശിയായ സി.പി മാർബിളിനു പടിഞ്ഞാറു വശം താമസിക്കുന്ന പെരിക്കാങ്ങൻ അസീസിന്റെ മകൻ ഷഹനാദ് ഹുദവി(21 വയസ്സ് ) ആണ് മരണപ്പെട്ടത്. ചെമ്മാട് ദാറുൽ ഹുദ ഇസ്ലാമിക് യൂണിവേഴ്സിറ്റി ആദ്യ വർഷ പി.ജി. വിദ്യാർത്ഥിയാണ്. മാണൂർ ദാറുൽ ഹിദായ ദഅ് വ കോളേജിലായിരുന്നു പഠനം. സ്കൂട്ടറിൽ കൂടെ സഞ്ചരിച്ച മാതാവ് സാബിറയെ പരിക്കുകളോടെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു. ശാമിൽ സഹോദരനാണ്.
മരിച്ച ഷഹനാദിന്റെ മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി. പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ട് നൽകും .
റിപ്പോർട്ട്:
അഷ്റഫ് കളത്തിങ്ങൽ പാറ
0 Comments