ദക്ഷിണാഫ്രിക്കയില്‍ ജനിച്ച വാഗ്‌നര്‍ പിന്നീട് ന്യൂസിലന്‍ഡിലേക്ക് കുടിയേറുകയായിരുന്നു. 2012ല്‍ വെസ്റ്റ് ഇന്‍ഡീസിനെതിരായ ടെസ്റ്റ് പരമ്പരയിലാണ് താരം ന്യൂസിലന്‍ഡിനായി അരങ്ങേറിയത്. ടെസ്റ്റിലെ മികച്ച ബൗളിങും വെസ്റ്റ് ഇന്‍ഡീസിനെതിരെ തന്നെ. 39 റണ്‍സ് വഴങ്ങി ഏഴ് വിക്കറ്റുകള്‍ വീഴ്ത്തിയതാണ് മികച്ച പ്രകടനം. 64 ടെസ്റ്റുകളില്‍ നിന്നു 260 വിക്കറ്റുകളാണ് താരം വീഴ്ത്തിയത്. ന്യൂസിലന്‍ഡിനായി ഏറ്റവും കൂടുതല്‍ വിക്കറ്റെടുത്ത താരങ്ങളുടെ പട്ടികയില്‍ അഞ്ചാമത് വാഗ്‌നറാണ്.
ഇന്ത്യയെ വീഴ്ത്തി പ്രഥമ ഐസിസി ടെസ്റ്റ് ചാമ്പ്യന്‍ഷിപ്പ് കിരീടം ന്യൂസിലന്‍ഡിനു സമ്മാനിക്കുന്നതില്‍ നിര്‍ണായകമായത് വാഗ്‌നറുടെ ബൗളിങായിരുന്നു. 2019 21 സീസണിലെ കിരീടം സ്വന്തമാക്കിയാണ് കിവികള്‍ പ്രഥമ ചാമ്പ്യന്‍മാരായത്.പ്രാദേശിക ലീഗുകളില്‍ കളിക്കുമെന്ന് താരം സൂചനനല്‍കിയിട്ടുണ്ട്.
0 Comments