തിരുവനന്തപുരം: വെഞ്ഞാറമൂട്ടില്‍ രണ്ട് ഡി.വൈ.എഫ്.ഐ പ്രവര്‍ത്തകരെ വെട്ടിക്കൊന്ന കേസില്‍ ഒരാള്‍ കൂടി പിടിയിലായി. കൃത്യത്തില്‍ നേരിട്ട് പങ്കെടുത്തെന്ന് സംശ‍യിക്കുന്ന ഇരുട്ട് അജിത്താണ് പിടിയിലായത്. ഇതോടെ കേസില്‍ പൊലീസ് കസ്റ്റഡിയിലായവരുടെ എണ്ണം ഏഴായി. കോണ്‍ഗ്രസ് ബന്ധമുള്ളവരാണ് പ്രതികളെന്ന് പൊലീസ് അറിയിച്ചു.
തേമ്ബാംമൂട് മദപുരത്തായിരുന്നു ഇരട്ടക്കൊലപാതകം. ഡി.വൈ.എഫ്.ഐ കലിങ്ങിന്‍മുഖം യൂനിറ്റ് പ്രസിഡന്‍റ് ഹഖ് മുഹമ്മദ് (24), തേവലക്കാട് യൂനിറ്റ് ജോയിന്‍റ് സെക്രട്ടറി മിഥിലാജ് (30) എന്നിവരാണ് ഞായറാഴ്ച അര്‍ധരാത്രി കൊല്ലപ്പെട്ടത്. ബൈക്കില്‍ സഞ്ചരിച്ച ഇരുവരെയും തടഞ്ഞുനിര്‍ത്തി വെട്ടുകയായിരുന്നുവെന്നും പൊലീസ് പറഞ്ഞു. ഇവര്‍ക്കൊപ്പമുണ്ടായിരുന്ന ഷഹിന്‍ നിസാര പരിക്കുകളോടെ രക്ഷപ്പെട്ടു.കൊലപാതകത്തില്‍ പങ്കെടുത്തുവെന്ന് കരുതുന്ന ഷജിത്ത് ഉള്‍പ്പെടെയുള്ളവരെയാണ് കസ്റ്റഡിയിലുള്ളത്. ഷജിത്തിനെ വീട് വളഞ്ഞാണ് പൊലീസ് കസ്റ്റഡിയിലെടുത്തത്.
പ്രദേശത്തെ സി.സി.ടി.വി കാമറകള്‍ തിരിച്ചു വെച്ചിരുന്നതായും വളരെ ആസൂത്രിതമായി നടത്തിയ കൊലപാതകമാണ് ഇതെന്നുമാണ് പൊലീസ് പറയുന്നത്. സംഭവ സ്ഥലത്തിന് സമീപത്തെ കെട്ടിടങ്ങളിലെ കാമറകളാണ് തിരിച്ചുവെച്ചത്.പ്രദേശത്ത് രണ്ട് മാസം മുമ്ബ് സി.പി.എം-കോണ്‍ഗ്രസ് സംഘര്‍ഷമുണ്ടായിരുന്നു. നെഞ്ചില്‍ കുത്തേറ്റ മിഥ്ലാജ് സംഭവ സ്ഥലത്ത് വെച്ചു തന്നെ മരിച്ചു. ഒന്നിലേറെ തവണ വെട്ടേറ്റ ഹഖ് മുഹമ്മദ് ഹഖ് മുഹമ്മദ് തിരുവനന്തപുരം മെഡിക്കല്‍ കോളജില്‍ വെച്ചാണ് മരിച്ചത്. രണ്ട്ബൈക്കുകളിലായാണ് പ്രതികള്‍ എത്തിയത്.ഒരു ബൈക്ക് തേംമ്ബാംമൂട് ഭാഗത്തു നിന്ന് നേരത്തെ കണ്ടെത്തിയിരുന്നു.
0 Comments