സെപ്റ്റംബര്‍ 19 മുതല്‍ ആരംഭിക്കുന്ന ഇന്ത്യന്‍ പ്രീമിയര്‍ ലീഗിന്റെ പതിമൂന്നാം പതിപ്പിന് പിന്‍മാറുകയാണെന്ന് ശ്രീലങ്കന്‍ ഫാസ്റ്റ് ബൗളറും മുംബൈ ഇന്ത്യന്‍സിന്റെ മിന്നും താരമായ ലസിത് മലിംഗ വ്യക്തമാക്കി. ഇതോടെ മുംബൈ ഇന്ത്യന്‍സ് ഓസ്ട്രേലിയന്‍ സ്പീഡ്സ്റ്റര്‍ ജെയിംസ് പാറ്റിന്‍സണെ മലിംഗയുടെ പകരക്കാരനായി പ്രഖ്യാപിച്ചു.മുംബൈ ഇന്ത്യന്‍സ് ഉടമ ആകാശ് അംബാനി പാറ്റിന്‍സണെ സ്വാഗതം ചെയ്യുകയും മലിംഗയ്ക്ക് പൂര്‍ണ്ണ പിന്തുണ നല്‍കുകയും ചെയ്തു. ലസിത് ഒരു ഇതിഹാസവും മുംബൈയുടെ ശക്തിയുടെ ഒരു സ്തംഭവുമാണ്. ഈ സീസണില്‍ ലസിതിന്റെ ക്രിക്കറ്റ് മിടുക്ക് ഞങ്ങള്‍ക്ക് നഷ്ടമാകുമെന്നതില്‍ തര്‍ക്കമില്ല. എന്നിരുന്നാലും, ഈ സമയത്ത് ലസിതിന്റെ കുടുംബത്തോടൊപ്പം ശ്രീലങ്കയില്‍ ഉണ്ടായിരിക്കേണ്ടതിന്റെ ആവശ്യകത ഞങ്ങള്‍ പൂര്‍ണ്ണമായി മനസ്സിലാക്കുന്നു. മുംബൈ ഇന്ത്യന്‍സ് സ്ഥാപിതമായത്’ ഒരു കുടുംബം ‘എന്ന മൂല്യത്തിലാണ്, ഞങ്ങള്‍ക്ക് ഞങ്ങളുടെ ടീമിലെ അംഗങ്ങളും അവരുടെ ക്ഷേമത്തിനും എല്ലായ്‌പ്പോഴും വളരെയധികം പ്രാധാന്യം നല്‍കുമെന്ന് അദ്ദേഹം പറഞ്ഞു.
170 വിക്കറ്റുകളുമായി ഐപിഎല്ലിന്റെ മുന്‍നിര വിക്കറ്റ് നേടിയ മലിംഗയാണ് കഴിഞ്ഞ വര്‍ഷം നാലാം കിരീടം നേടാന്‍ മുംബൈയെ സഹായിച്ചത്, ഫൈനലില്‍ അവസാന പന്തില്‍ ചെന്നൈ സൂപ്പര്‍ കിംഗ്‌സിനെ എറിഞ്ഞിട്ട് വിജയിച്ചു. അവസാന പന്തില്‍ ജയിക്കാന്‍ സിഎസ്‌കെയ്ക്ക് രണ്ട് റണ്‍യായിരുന്നു വേണ്ടിയിരുന്നത്. എന്നാല്‍ മലിംഗ ഷാര്‍ദുല്‍ താക്കൂറിനെ എല്‍ബിഡബ്ല്യുയില്‍ പുറത്താക്കിയാണ് മുംബൈയ്ക്ക് വിജയം സമ്മാനിച്ചത്. ആദ്യ മൂന്ന് ഓവറുകള്‍ക്ക് 42 റണ്‍സ് വഴങ്ങിയ മലിംഗ മത്സരത്തിലെ നിര്‍ണ്ണായക ഓവറില്‍ ഏഴ് റണ്‍സ് മാത്രമാണ് വഴങ്ങിയത്.
0 Comments