ആവശ്യമായ വാക്സിന് ആഴ്ച്ചകള്‍ക്കുള്ളില്‍ ലഭ്യമാക്കാനുള്ള ശ്രമങ്ങള്‍ പുരോഗമിക്കുന്നതായും അദ്ദേഹം പറഞ്ഞു. പൊതു ആരോഗ്യ മന്ത്രാലയം നിരവധി അന്താരാഷ്ട്ര ഫാര്‍മസ്യൂട്ടിക്കല്‍ കമ്പനികളുമായി വിപുലമായ ചര്‍ച്ചകള്‍ നടത്തിവരികയാണെന്നും അദ്ദേഹം പറഞ്ഞു.
സാര്‍സ്-കോവ്-2 (SARS-CoV-2) നെതിരെയുള്ള ബി.എന്‍.ടി 162 എം.ആര്‍.എന്‍.എ (BNT162 mRNA) അടിസ്ഥാനമാക്കിയുള്ള കാന്‍ഡിഡേറ്റ് വാക്സിന് ഖത്തറിന് ലഭ്യമാക്കുന്നതിനായി പൊതുജനാരോഗ്യ മന്ത്രാലയം ഇതിനകം എഫ്ഫൈസര്‍, ബയോ എന്‍ടെക്ക് എന്നിവരുമായി കരാര്‍ ഉണ്ടാക്കിയിട്ടുണ്ടെന്നും അദ്ദേഹം അറിയിച്ചു.
ഈ കമ്പനി നിര്‍മിക്കുന്ന വാക്സിന് ഒക്ടോബര്‍ അവസാനമോ നവംബറിലോ അംഗീകാരം ലഭിക്കുമെന്നാണ് പ്രതീക്ഷിക്കുന്നതെന്ന് അദ്ദേഹം അറിയിച്ചു. വിവിധ രാജ്യങ്ങളിലായി 44,000 ആളുകളില്‍ ഇപ്പോള്‍ വാക്സിന്റെ പരീക്ഷണം നടക്കുകയാണ്. ഇതിന്റെ വിജയത്തിന് അനുസരിച്ചാണ് വാക്സിന് ലഭ്യമാവുകയെന്ന് അദ്ദേഹം അറിയിച്ചു.
0 Comments