മര്ദ്ദിച്ചതിന് പൊലീസില് പരാതി നല്കിയ ഭാര്യയെ ഭര്ത്താവ് കൊടാലികൊണ്ട് വെട്ടിപ്പരിക്കേല്പ്പിച്ചു. മലപ്പുറം വഴിക്കടവ് കെട്ടുങ്ങല് പാതാരി മുഹമ്മദ് സലീമാണ് ഭാര്യ സീനത്തിനെ ആക്രമിച്ചത്. ആക്രമണത്തിനിടെ ഇവരുടെ കുട്ടിക്കും പരിക്കേറ്റിട്ടുണ്ട്.സീനത്തിനെ ഗുരുതര പരിക്കുകളോടെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു.
ഭാര്യയെയും കുടുംബത്തെയും സലീം മദ്യപിച്ചെത്തി തല്ലുന്നത് പതിവാണ്. ഇതുസംബന്ധിച്ച് സീന ഇതിന് മുന്പും പൊലീസില് പരാതി നല്കിയിട്ടുണ്ട്. പലതവണ പൊലീസ് സലീമിനെ താക്കീത് ചെയ്തു വിട്ടിട്ടുണ്ട്.
കഴിഞ്ഞ ദിവസം വീണ്ടും ഗാര്ഹിക പീഡന പരാതി നല്കിയതിനെ തുടര്ന്നാണ് സീനത്തിനെ സലീം ആക്രമിച്ചത്.സീനത്തിന്റെ പരാതിയില് പൊലീസ് വീട്ടിലെത്തി അന്വേഷിച്ചെങ്കിലും സലീമിനെ കാണാന് സാധിച്ചില്ല. പൊലീസ് പോയതിന് ശേഷം വീട്ടിലെത്തിയ സലീം സീനത്തിനെ ആക്രമിക്കുകയായിരുന്നു.
ഇയാൾ മരംവെട്ടുകാരനാണ്. ഇയാൾ വീട്ടിൽ വന്ന് ഭാര്യയെ കോടാലി കൊണ്ടാണ് വെട്ടിയത്. ആക്രമണത്തിനിടെ കുട്ടിക്കും പരിക്കേറ്റിട്ടുണ്ട്. ഉടന് തന്നെ നിലമ്പൂര് ജില്ലാ ആശുപത്രിയില് കൊണ്ടുപോയെങ്കിലും ഗുരുതര പരിക്കുകളെ തുടര്ന്ന് കോഴിക്കോട് മെഡിക്കല് കോളജ് ആശുപത്രിയിലേക്ക് മാറ്റുയുകയായിരുന്നു.
0 Comments