ഒളിവിലുള്ളവര്ക്കും പ്രഖ്യാപിത കുറ്റവാളികള്ക്കും മുന്കൂര് ജാമ്യത്തിന് അര്ഹതയില്ല -സുപ്രീംകോടതി
ന്യൂഡല്ഹി: ഒളിവില് പോയവര്ക്കും പ്രഖ്യാപിത കുറ്റവാളികള്ക്കും മുന്കൂര് ജാമ്യത്തിന് അര്ഹതയില്ലെന്ന് സുപ്രീംകോടതി.
വഞ്ചനാ കേസിലെ പട്ന ഹൈകോടതി വിധി റദ്ദാക്കുന്നതിനിടെ വ്യാഴാഴ്ചയാണ് സുപ്രീംകോടതി ഇക്കാര്യം പറഞ്ഞത്.
വഞ്ചനാ കേസിലെ പ്രതിക്ക് പട്ന ഹൈകോടതി ക്രിമിനല് നടപടി ചട്ടത്തിലെ 82, 83 ചട്ടത്തിന് കീഴിലെ നടപടികള് അവഗണിച്ചാണ് മുന്കൂര് ജാമ്യം നല്കിയതെന്ന് ജസ്റ്റിസുമാരായ എം.ആര്. ഷാ, എ.എസ്. ബൊപണ്ണ എന്നിവരടങ്ങിയ ബെഞ്ച് പറഞ്ഞു. 82ാം ചട്ടപ്രകാരം വാറന്റ് നിലനില്ക്കുന്നുവെങ്കില് പ്രതി ഹാജരാകണമെന്ന് കോടതിക്ക് ഉത്തരവിടാം.
ഇതിനുശേഷം കുറ്റവാളിയുടെ സ്വത്തുക്കള് ജപ്തിചെയ്യാമെന്ന് കോടതിക്ക് ഉത്തരവിടാനാകുമെന്ന് 83ാം ചട്ടവും പറയുന്നുണ്ട്. 82ാം ചട്ടപ്രകാരം ഒരാള് ഒളിവിലാെണന്നോ കുറ്റവാളിയെന്നോ പ്രഖ്യാപിക്കപ്പെട്ടാല് അയാള്ക്ക് മുന്കൂര് ജാമ്യത്തിന് അര്ഹതയില്ലെന്നും സുപ്രീംകോടതി നിരീക്ഷിച്ചു.
0 Comments