എന്നും ഒരേ റെസിപ്പി ഉണ്ടാക്കാതെ വെറൈറ്റി പരീക്ഷിക്കാറുണ്ട് നാം. വെറൈറ്റി ഭക്ഷണങ്ങള് ക്ലിക്ക് ആയാല് മനസും നിറയും വയറും നിറയും, അല്ലേ?
എങ്കില് ഇത്തവണ പനീര് കൊണ്ട് പാന് കേക്ക് ഉണ്ടാക്കിയാലോ…? വളരെ കുറച്ച് ചേരുവകള് കൊണ്ട് കുട്ടികള്ക്ക് ഇഷ്ടമാകുന്ന ഈ പാന് കേക്ക് എളുപ്പത്തില് തയാറാക്കാവുന്ന ഒന്നാണ്.
വേണ്ട ചേരുവകള്
1. പനീര് 200 gm (ഗ്രേറ്റ് ചെയ്തത് )
ഗോതമ്ബ് മാവ് ഒരു കപ്പ്
വെണ്ണ ഒരു ടേബിള് സ്പൂണ്
2. പാല് ഒരു കപ്പ്
മുട്ട 1 എണ്ണം
പഞ്ചസാര രണ്ട് ടേബിള്സ്പൂണ്
വാനില എസ്സെന്സ് കാല് ടീസ്പൂണ്
തയ്യാറാക്കുന്ന വിധം
ഒന്നാമത്തെ ചേരുവ ഒരു ബൗളിലാക്കി നന്നായി യോജിപ്പിച്ചു വയ്ക്കുക. അതിലേക്ക് രണ്ടാമത്തെ ചേരുവകള് ചേര്ത്ത് അടിച്ചു നല്ല മയമുള്ള മാവ് തയ്യാറാക്കണം.ഒരു നോണ് - സ്റ്റിക്ക് പാന് ചൂടാക്കി മാവ് ഒഴിച്ചു പരത്തി പാന് കേക്കുകള് ചുട്ടെടുക്കുക. പാന് കേക്കിനു മീതെ തേന് തൂകി ഉപയോഗിക്കാം. ഒന്ന് രുചിച്ചു നോക്കൂ…
0 Comments