കോട്ടക്കല്: സീബ്രലൈനിലൂടെ റോഡ് മുറിച്ചു കടക്കവെ വയോധികനെ ഇടിച്ച് ഗുരുതര പരിക്കേല്പിച്ച ബൈക്ക് യാത്രികനെ തേടി പൊലീസും നാട്ടുകാരും. ജനുവരി 24ന് കോട്ടക്കലില് നടന്ന അപകടത്തില് ചങ്കുവെട്ടി സ്വദേശി എടക്കണ്ടന് കുഞ്ഞുമൊയ്തീനാണ് (71) പരിക്കേറ്റത്. പെരിന്തല്മണ്ണയിലെ സ്വകാര്യ ആശുപത്രിയില് ചികിത്സയില് കഴിയുന്ന ഇദ്ദേഹത്തിെന്റ ഇടതു കാല്മുട്ടിന് താഴെ മുറിച്ചുമാറ്റേണ്ടിവന്നു.
ഇടിച്ച ശേഷം നിര്ത്താതെ പോയ ബൈക്ക് യാത്രികനെ നിരീക്ഷണ കാമറയുടെ സഹായത്തോടെ പിടികൂടാനുള്ള ശ്രമത്തിലാണ് കോട്ടക്കല് പൊലീസ്. അപകടം വരുത്തിയ ചുവപ്പു നിറത്തിലുള്ള പുതിയ മോഡല് ബൈക്കിെന്റ ദൃശ്യങ്ങള് സമീപത്തെ നിരീക്ഷണ കാമറയില് പതിഞ്ഞിട്ടുണ്ട്. കോട്ടക്കല് ഭാഗത്തുനിന്ന് ചങ്കുവെട്ടി ഭാഗത്തേക്ക് അമിത വേഗത്തില് പോകുകയായിരുന്ന ബൈക്കാണ് അപകടം വരുത്തിയത്.
0 Comments