അച്ഛൻ പാമ്പിനെ തല്ലിക്കൊന്ന് മണിക്കൂറുകൾക്കുള്ളിൽ മറ്റൊരു പാമ്പ് മകനെ കടിച്ചു കൊന്നു. മധ്യപ്രദേശിലെ സെഹോറിലാണ് വിചിത്രമായ സംഭവം നടന്നത്. ബുധ്നി ജോഷിപൂരില്‍ താമസിക്കുന്ന കിഷോര്‍ ലാലിന്റെ മകന്‍ രോഹിത്ത് (12) ആണ് പാമ്പ് കടിയേറ്റ് മരിച്ചത്. കൂലിപ്പണിക്കാരനായ കിഷോർ വീടിന്റെ പരിസരത്ത് കണ്ട പാമ്പിനെ വ്യാഴാഴ്ച രാവിലെയാണ് തല്ലിക്കൊന്ന് മറവുചെയ്തത്. അന്ന് രാത്രി രണ്ട് മണിയോടെ വീട്ടിൽ ഉറങ്ങിക്കിടന്ന മകന്റെ കാലിൽ മറ്റൊരു പാമ്പ് കടിക്കുകയായിരുന്നു.
പാമ്പിന്റെ പകയെന്നൊക്കെ പഴമക്കാർ പണ്ട് പറയാറുള്ളതു പോലെ വിചിത്രമായ സംഭവമാണ് നടന്നത്. ഉടന്‍ തന്നെ ഹോഷംഗാബാദിലെ ജില്ലാ ആശുപത്രിയില്‍ എത്തിച്ചെങ്കിലും അവിടെ കൂടുതൽ സൗകര്യമില്ലാത്തതിനാൽ നഗരത്തിലേക്കുള്ള ആശുപത്രിയിലെത്തിക്കാൻ പറഞ്ഞു. വഴിമധ്യേ രോഹിത് മരിച്ചു. രോഹിത്തിനെ കടിച്ച പാമ്പിനെയും വീട്ടുകാര്‍ തല്ലിക്കൊന്നു.
0 Comments