Flash News

6/recent/ticker-posts

മലപ്പുറം ചങ്ങരംകുളത്ത് നിർത്തിയിട്ട ലോറിക്ക് പിറകിൽ ഓട്ടോയിടിച്ച് അപകടം ; ഓട്ടോ ഡ്രൈവർക്ക് ദാരുണാന്ത്യം..

Views
ചങ്ങരംകുളം: തൃശ്ശൂർ കുറ്റിപ്പുറം സംസ്ഥാന പാതയിൽ ചങ്ങരംകുളം പന്താവൂരിൽ നിർത്തിയിട്ട ലോറിക്ക് പുറകിൽ ഓട്ടോ ഇടിച്ച് ചൂണ്ടൽ സ്വദേശിയായ ഓട്ടോ ഡ്രൈവർക്ക് ദാരുണാന്ത്യം.

തൃശ്ശൂർ ചൂണ്ടൽ പുതുശ്ശേരി തോട്ടത്തിൽ പരേതനായ നാരായണൻ നായർ മകൻ ശശിധരൻ നായർ(52)ആണ് മരിച്ചത്. സംസ്ഥാനപാതയിൽ പന്താവൂർ ഇർഷാദ് സ്കൂളിന് സമീപം ഞായറാഴ്ച രാത്രി 12 മണിയോടെയാണ് അപകടം. ഓട്ടം പോയി തിരിച്ച് വരുന്നതിനിടെ റോഡരികിൽ നിർത്തിയിട്ട കർണ്ണാടകയിൽ നിന്ന് മത്സ്യം കയറ്റിവന്ന ലോറിക്ക് പുറകിൽ ഇടിക്കുകയായിരുന്നു.

ഇടിയുടെ ആഘാതത്തിൽ ഓട്ടോയുടെ മുൻവശം പൂർണ്ണമായും തകർന്നിരുന്നു. ഓട്ടോക്കുള്ളിൽ കുടുങ്ങി കിടന്ന ശശിധരനെ ഏറെ നേരത്തെ പരിശ്രമത്തിന് ശേഷമാണ് നാട്ടുകാരും യാത്രക്കാരും ചേർന്ന് പുറത്തെടുത്ത്.

ഉടൻ തന്നെ ചങ്ങരംകുളത്തെ സ്വകാര്യ ആശുപത്രിയിൽ എത്തിച്ചെങ്കിലും തന്നെ മരണം സംഭവിച്ചിരുന്നു. ചങ്ങരംകുളം പോലീസെത്തി മേൽ നടപടികൾ സ്വീകരിച്ചു. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ട് നൽകും. ഭാര്യ സരസ്വതി മകൻ അമൽ

ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments