Flash News

6/recent/ticker-posts

മുഖ്യമന്ത്രിക്ക്‌ വിമാനത്തിൽ വധശ്രമം: പ്രതി ഫർസീൻ മജീദിന്‌ സ്കൂളിൽ നിന്ന് സസ്പെഷൻ

Views


മട്ടന്നൂർ: മുഖ്യമന്ത്രിയെ വിമാനത്തിൽ വധിക്കാൻ ശ്രമിച്ച  അധ്യാപകനായ യൂത്ത് കോൺഗ്രസുകാരനെ സ്കൂളിൽ നിന്ന് സസ്പെൻഡ് ചെയ്തു. മുട്ടന്നൂർ യു പി സ്കൂൾ അധ്യാപകനും യൂത്ത് കോൺഗ്രസ് ബ്ലോക്ക് പ്രസിഡൻ്റുമായ ഫർസീൻ മജീദിനെയാണ് മാനേജ്മെൻ്റ് സസ്പെൻഡ് ചെയ്തത്.

കണ്ണൂർ തിരുവനന്തപുരം ഇൻഡിഗോവിമാനത്തിൽ തിങ്കൾ വൈകിട്ട് മുഖ്യമന്ത്രിയെ അപായപ്പെടുത്താൻ ശ്രമിച്ച യൂത്ത് കോൺഗ്രസുകാരായ ഫർസീൻ മജീദ്, ആർ കെ നവീൻ കുമാർ, സുനിൽ നാരായണൻ എന്നിവർക്കെതിരെ പൊലീസ് വധശ്രമം ഉൾപ്പെടെയുള്ള കുറ്റത്തിന് കേസെടുത്തിരുന്നു.

ഫർസീൻ മജീദിനെയും നവീൻ കുമാറിനെയും അറസ്റ്റ് ചെയ്യുകയും ചെയ്തു. മുഖ്യമന്ത്രിയെ വധിക്കാൻ ശ്രമിച്ച അധ്യാപകനെ  പുറത്താക്കണമെന്നാവശ്യപ്പെട്ട് ചൊവ്വാഴ്ച രാവിലെ ഡിവൈഎഫ്ഐ സ്കൂളിലേക്ക് മാർച്ച് നടത്തി. ഇതിനിടെയാണ് അധ്യാപകനെ മാനേജർ സസ്പെൻഡ് ചെയ്തത്.
 


ഏറ്റവും പുതിയ വാര്‍ത്തകള്‍ക്കും വിശേഷങ്ങള്‍ക്കുമായി പോപ്പുലര്‍ ന്യൂസ് വാട്ട്സാപ്പ് ഗ്രൂപ്പില്‍ അംഗമാകൂ...


Post a Comment

0 Comments