സ്നേഹവും കരുതലും ആഗ്രഹിക്കാത്ത കുഞ്ഞുങ്ങളുണ്ടാകില്ല. ഒന്നു കെട്ടിപ്പിടിക്കുമ്പോഴോ കവിളില് ഒന്നു തലോടുമ്പോഴോ അവര്ക്കുണ്ടാകുന്ന സന്തോഷം പറഞ്ഞറിയിക്കാനാകില്ല. അത്തരത്തിലൊരു സന്തോഷത്തിന്റെ വീഡിയോയാണ് ഇപ്പോള് സോഷ്യല് മീഡിയയില് തരംഗമാകുന്നത്.
ഒരു ബൈക്ക് യാത്രക്കാരി തെരുവു ബാലന്റെ കവിളില് സ്നേഹത്തോടെ പിടിക്കുന്നതാണ് വീഡിയോയിലുള്ളത്. ബംഗ്ലാദേശിലെ ഒരു ട്രാഫിക് സിഗ്നലിന് സമീപത്ത് നിന്നെടുത്ത വീഡിയോയാണിത്. ബൈക്കിന്റെ പിന്സീറ്റിലിരിക്കുന്ന യുവതിയാണ് സമീപത്തേക്കുവന്ന ആണ്കുട്ടിയുടെ കവിളില് പിടിക്കുന്നത്.
അതിനുശേഷം കുട്ടിയുടെ കണ്ണില് വീണ കരട് മാറ്റാന് സഹായിക്കുന്നതും അവന് പണം നല്കുന്നതുമെല്ലാം വീഡിയോയില് കാണാം. കരട് മാറ്റാന് യുവതി കണ്ണില് ഊതുകയാണ് ചെയ്യുന്നത്.
‘അവരുടെ കരുണയോളം മൂല്യം ആ പണത്തിനില്ല’ എന്ന കുറിപ്പോടെ ഡോ. അജയിതയാണ് ഈ വീഡിയോ ട്വിറ്ററില് പങ്കുവെച്ചത്.
0 Comments