മലപ്പുറം: ഹണി ട്രാപ്പില്‍പ്പെടുത്തി വ്യാപാരിയെ തട്ടിക്കൊണ്ട് പോയി പണവും സ്വര്‍ണ്ണവും കവര്‍ന്ന കേസില്‍ ഒരാളെക്കൂടി മലപ്പുറം ചങ്ങരംകുളം പൊലീസ് പിടികൂടി. പെരുമ്ബടപ്പ് സ്വദേശി ഹരിഹരനാണ് പിടിയിലായത്. കേസില്‍ നേരത്തെ പത്തു പേര്‍ പിടിയിലായിരുന്നു. 2020- ല്‍ ആണ് കേസിന് ആസ്പദമായ സംഭവം.
അടക്കവ്യാപാരിയായ പരാതിക്കാരനെ എടപ്പാളിലേക്ക് വിളിച്ചു വരുത്തുകയായിരുന്നു. ആദ്യം എടപ്പാള്‍ അണ്ണക്കമ്ബാടിലെ ക്വാട്ടേഴ്സില്‍ കൊണ്ട് പോയി വ്യാപാരിയെ ശാരീരികമായി ഉപദ്രവിച്ചു. പിന്നീട് വയനാട്ടിലെ റിസോര്‍ട്ടിലേക്ക് കൊണ്ടു പോയി മോചനദ്രവ്യം ആവശ്യപ്പെടുകയുമായിരുന്നു. പരാതിക്കാരന്‍്റെ ശരീരത്തില്‍ ഉണ്ടായിരുന്ന സ്വര്‍ണ്ണവും, കയ്യില്‍ ഉണ്ടായിരുന്ന പണവും തട്ടിപ്പ് സംഘം കവര്‍ന്നിരുന്നു.
വ്യാപാരിയുടെ ആഡംബരക്കാറും പിടിച്ചെടുത്തിരുന്നു. ഇദ്ദേഹത്തിന്‍്റെ മുപ്പത്തിയാറ് ലക്ഷത്തോളം രൂപയാണ് സംഘം കവര്‍ന്നത്. കേസില്‍ പത്ത് പ്രതികളെ പ്രത്യേക അന്വേഷണ സംഘം നേരത്തെ അറസ്റ്റ് ചെയ്തിരുന്നു. കൃത്യത്തില്‍ നേരിട്ട് പങ്കെടുത്ത ഹരിഹരന്‍ സംഭവം നടന്ന അന്ന് മുതല്‍ ഒളിവില്‍ പോയതായിരുന്നു. മേലാറ്റൂരില്‍ ഒളിവില്‍ കഴിഞ്ഞിരുന്ന പ്രതിയെ ചങ്ങരംകുളം പൊലീസിന് ലഭിച്ച രഹസ്യ വിവരത്തിന്‍്റെ അടിസ്ഥാനത്തില്‍ നടത്തിയ തെരച്ചിലിലാണ് പിടികൂടിയത്. കേസില്‍ ഇനി രണ്ട് പേര്‍കൂടി പിടിയിലാകാനുണ്ട്. കോടതിയില്‍ ഹാജരാക്കിയെ പ്രതിയെ റിമാന്‍ഡ് ചെയ്തു.
0 Comments