സംസ്ഥാനത്തെ 250 സ്കൂളുകളെ ലഹരിസംഘങ്ങൾ നോട്ടമിട്ടിരിക്കുന്നെന്ന് എക്സൈസ് ഇന്റലിജൻസ്
തിരുവനന്തപുരം: സംസ്ഥാനത്തെ 250 സ്കൂളുകളെ ലഹരിസംഘങ്ങൾ നോട്ടമിട്ടിരിക്കുന്ന പ്രശ്നബാധിത സ്കൂളുകളാണെന്ന് എക്സൈസ് ഇന്റലിജൻസിന്‍റെ റിപ്പോർട്ട്. ലഹരി ഉപയോഗത്തിന്റെയും ലഹരി സംഘങ്ങളുമായുള്ള സമ്പർക്കത്തിന്റെയും അടിസ്ഥാനത്തിലാണ് പ്രശ്നസാധ്യതാ സ്കൂളുകളെ ക്രമപ്പെടുത്തിയത്. ഇതേതുടർന്ന്, ഈ സ്കൂളുകളിൽ ഇടക്കിടെ മിന്നൽ പരിശോധന നടത്താൻ എക്സൈസ് കമ്മിഷണർ നിർദേശം നൽകി.
മിന്നൽ പരിശോധന സ്കൂൾ അധികൃതരെ അറിയിക്കും. എന്നാൽ, ദിവസം, സമയം എന്നിവ അറിയിക്കില്ല. ഈ സ്കൂളുകളുടെ പരിസരങ്ങളിൽ ബൈക്ക് പട്രോളിങ് നടത്തും.
ബസ് കാത്തിരിപ്പുകേന്ദ്രം, ഇന്റർനെറ്റ് കഫേ, ജ്യൂസ് പാർലറുകൾ തുടങ്ങിയ സ്ഥലങ്ങളിലും പട്രോളിങ് ഉണ്ടാകും.
0 Comments