ലയണൽ മെസിക്ക് പരിക്ക്.
പാരീസ്: അർജന്റീനയുടെ സൂപ്പർ താരം ലയണൽ മെസിക്ക് പരിക്ക്. താരത്തിന് പരിക്കേറ്റതിനാൽ പി എസ് ജിയുടെ ഞായറാഴ്ചത്തെ മത്സരത്തിന് ലയണൽ മെസി ഉണ്ടാകില്ലെന്ന് ക്ലബ് ഔദ്യോഗികമായി അറിയിച്ചു.
ഞായറാഴ്ച ഫ്രഞ്ച് ലീഗിൽ എഫ്സി ലൊറിയന്റിനെയാണ് പിഎസ്ജി നേരിടേണ്ടത്. എന്നാൽ മെസിയുടെ പരിക്കിൽ ആശങ്ക വേണ്ട എന്നും ക്ലബ് അറിയിച്ചു. പരിക്ക് ഗുരുതരമല്ല. അടുത്ത ആഴ്ച തന്നെ മെസി പരിശീലനത്തിലേക്ക് തിരികെയെത്തുമെന്നും പിഎസ്ജി അറിയിച്ചു.
ഞായറാഴ്ച ഉൾപ്പെടെ പിഎസ്ജിക്ക് രണ്ട് മത്സരങ്ങൾ മാത്രമാണ് ലോകകപ്പിനു മുൻപ് ഇനി ഉള്ളത്. മെസി ഈ രണ്ട് മത്സരങ്ങളും കളിക്കാൻ സാധ്യതയില്ലെന്നാണ് സൂചന.
0 Comments