ഇന്ത്യന് സൂപ്പര് ലീഗില് തുടര്ച്ചയായി രണ്ടാം സീസണിലും കേരള ബ്ലാസ്റ്റേഴ്സ് പ്ലേഓഫ് ഉറപ്പിച്ചു.
ചെന്നൈ: ഇന്ത്യന് സൂപ്പര് ലീഗില് തുടര്ച്ചയായി രണ്ടാം സീസണിലും കേരള ബ്ലാസ്റ്റേഴ്സ് പ്ലേഓഫ് ഉറപ്പിച്ചു. ഇന്നലെ നടന്ന മല്സരത്തില് എഫ്സി ഗോവയെ ചെന്നൈയിൻ എഫ്സി 2-1ന് വീഴ്ത്തിയതോടെയാണ് ബ്ലാസ്റ്റേഴ്സിന് പ്ലേഓഫ് ഉറപ്പായത്.ബ്ലാസ്റ്റേഴ്സിനൊപ്പം ഗോവയുടെ തോല്വി ബെംഗളൂരു എഫ്സിക്കും ഗുണം ചെയ്തു. അവരും പ്ലേഓഫ് ഉറപ്പിച്ചിട്ടുണ്ട്. ഇനിയുള്ള മല്സരം തോറ്റാലും ബെംഗളൂരുവിന് പ്രശ്നമില്ല. ബാക്കി ഇനി പ്ലേഓഫിലേക്ക് രണ്ട് സ്ഥാനമാണ് അവശേഷിക്കുന്നത്. നിലവില് പ്ലേഓഫ് ഉറപ്പിച്ചത് ബ്ലാസ്റ്റേഴ്സ് ഉള്പ്പെടെ നാലു ടീമുകളാണ്.
മുംബൈയും ഹൈദരാബാദും നേരത്തെ തന്നെ പ്ലേഓഫില് സ്ഥാനം പിടിച്ചിരുന്നു. അവര്ക്ക് നേരിട്ട് സെമിയിലേക്ക് എത്താനും സാധിച്ചു. ഗോവ ജയിച്ചായിരുന്നെങ്കില് ബ്ലാസ്റ്റേഴ്സിന്റെ കാത്തിരിപ്പ് നീണ്ടേനെ. ഇനി ഒരു മല്സരം മാത്രം ബാക്കിനില്ക്കേ ഗോവയ്ക്ക് 27 പോയിന്റാണുള്ളത്. അടുത്ത മല്സരം ജയിച്ചാലും അവര്ക്ക് 30 പോയിയിന്റേ നേടാനാകൂ. എന്നിരുന്നാലും ഗോവയുടെ പ്ലേഓഫ് സ്വപ്നം അവസാനിച്ചിട്ടില്ല. ഇനിയുള്ള ഏക മല്സരത്തില് ജയിക്കുന്നതിനൊപ്പം മറ്റു ടീമുകളുടെ ജയപരാജയങ്ങളും ഗോവയുടെ പ്ലേഓഫ് സ്വപ്നങ്ങളെ സ്വാധീനിക്കും.രണ്ടു മല്സരങ്ങള് ബാക്കിനില്ക്കേ പ്ലേഓഫ് ഉറപ്പിക്കാനായത് ബ്ലാസ്റ്റേഴ്സിനു ഗുണം ചെയ്യും. ഇനിയുള്ള രണ്ട് മല്സരങ്ങളിലും ടീമിനെ നന്നായി ഒരുക്കാനും ജയിച്ച് എലിമിനേറ്റര് സ്വന്തം തട്ടകത്തിലാക്കാനും ബ്ലാസ്റ്റേഴ്സിന് അവസരമാകും.
0 Comments