വ്യാജമായി ഉണ്ടാക്കിയ ഇന്‍സ്റ്റഗ്രാം അക്കൗണ്ടില്‍ പ്രതി അധ്യാപികമാരുടെ മോര്‍ഫ് ചെയ്ത ചിത്രങ്ങള്‍ പ്രചരിപ്പിക്കുകയായിരുന്നു. പ്രതിയുടെ ലാപ്‌ടോപ്പില്‍ നിന്നും മൊബൈല്‍ ഫോണില്‍ നിന്നും ഡൗണ്‍ലോഡ് ചെയ്‌തെടുത്ത നൂറിലധികം അശ്ലീല ഫോട്ടോകളും പോലീസ് കണ്ടെടുത്തിട്ടുണ്ട്. അധ്യാപികയെ അപകീര്‍ത്തിപ്പെടുത്താനും അക്കൗണ്ടില്‍ ഫോളോവേഴ്‌സിന്റെ എണ്ണം വര്‍ധിപ്പിക്കാനുമാണ് ഇങ്ങനെ ചെയ്തതെന്നാണ് പ്രതിയുടെ മൊഴി.
മലപ്പുറം അഡീഷനല്‍ എസ്പി പ്രദീപ് കുമാറിന് ലഭിച്ച പരാതിയെ തുടര്‍ന്നാണ് നടപടി. പ്രതിയെ ഇന്ന് ചീഫ് ജുഡീഷ്യല്‍ മജിസ്‌ട്രേറ്റിന് മുമ്പാകെ ഹാജരാക്കും.
0 Comments