സമയപരിധി അവസാനിച്ചു; കേരളത്തിൽ ഇനി 2000 മാറ്റിയെടുക്കാനുള്ള വഴി

Views

രണ്ടായിരം രൂപയുടെ നോട്ടുകൾ രാജ്യത്തെ ബാങ്കുകളിലൂടെ മാറിയെടുക്കാനുള്ള സമയ പരിധി ക്ക് അവസാനം. 3.43 ലക്ഷം കോടി രൂപയുടെ നോട്ടുകൾ ഇതിനോടകം തിരിച്ചെത്തിയെന്നും പന്ത്രണ്ടായിരം കോടി രൂപ മൂല്യമുള്ള നോട്ടുകൾ ഇനിയും തിരിച്ചെത്താനുണ്ടെന്നുമാണ് ആർ ബി ഐ ഇന്ന് അറിയിച്ചത്.എന്നാൽ പന്ത്രണ്ടായിരം കോടി രൂപ മൂല്യമുള്ള നോട്ടുകൾ ഇനിയും തിരിച്ചെത്താനുണ്ടെന്നാണ് ആർ ബി ഐയിൽ നിന്നും പുറത്തുവരുന്ന വിവരം.

കാലാവധി അവസാനിച്ചതോടെ രാജ്യത്തെ 19 ആർ ബി ഐ ഇഷ്യു ഓഫീസുകളിലൂടെ മാത്രമേ 2000 നോട്ടുകൾ മാറ്റിയെടുക്കാം. ഇതിനായി രേഖകളടക്കം നൽകേണ്ടി വരും. കേരളത്തിൽ ഇനി 2000 നോട്ടുകൾ മാറിയെടുക്കുന്നതിനായി തിരുവനന്തപുരത്തെ ആർ ബി ഐ ഇഷ്യൂ ഓഫീസിലെത്തണം.

മെയ് 19 നാണ് രണ്ടായിരം രൂപയുടെ നോട്ടുകൾ പിൻവലിക്കുകയാണെന്ന് ആർ ബി ഐ അറിയിച്ചത്. 2000 രൂപ മാറിയെടുക്കാൻ സമയപരിധി നേരത്തെ നീട്ടി നൽകിയിരുന്നു. അതാണ് ഇന്ന് അവസാനിച്ചത്.

---

---