ഹായിൽ: മലയാളി സൗദി അറേബ്യയിലെ ഹാഇലിൽ ഹൃദയസ്തംഭനം മൂലം മരിച്ചു. മലപ്പുറം വള്ളിക്കുന്ന് വെളിമുക്ക് സ്വദേശി പറായിൽ മുഹമ്മദ് ഷാഫി (51) ആണ് മരിച്ചത്. ഹാഇലിൽ ഫറൂജ് ബ്രോസ്റ്റഡ് കടയിൽ ജോലി ചെയ്യുന്നതിനിടയിൽ വെള്ളിയാഴ്ച ഉച്ചക്ക് കുഴഞ്ഞ് വീഴുകയായിരുന്നു.
സുഹൃത്തുക്കൾ ഉടൻ തന്നെ കിങ് ഖാലിദ് ആശുപത്രിയിൽ എത്തിച്ചെങ്കിലും വെൻറിലേറ്ററിലായിരുന്ന ഇദ്ദേഹം ഞായറാഴ്ച രാവിലെയാണ് മരിച്ചത്. നിയമ നടപടികൾ പൂർത്തീകരിച്ചു മൃതദേഹം നാട്ടിലേക്ക് കൊണ്ടുപോകാൻ ഹാഇൽ കെ.എം.സി.സി വെൽഫെയർ വിങ് പ്രവർത്തിക്കുന്നു.
0 Comments